Raia wa Gambia wapiga kura kuwachagua wabunge

Raia wa Gambia kuwachagua wabunge leo Haki miliki ya picha SEYLLOU/AFP/Getty Images
Image caption Raia wa Gambia kuwachagua wabunge leo

Raia wa Gambia wanafanya uchaguzi wao wa kwanza wa bunge hii leo tangu kiongozi wa muda mrefu Yahaya Jammeh alazimishwe kuondoka madarakani na kwenda uhamishoni.

Wakati wa utawala wake wa miaka ishirini na miwili , Rais Jammeh mara kwa mara alilipuuza bunge , na kupitisha sheria zake bila kupata ushauri wowote.

Chini ya rais mpya Adama Barrow, matarajio ni makubwa kwamba bunge la taifa litakuwa na jukumu muhimu la kutunga sheria .

Haki miliki ya picha AFP
Image caption Rais Adama Barrow

Baraza la mawaziri la Bwana Barrow linajumuisha wakuu wa vyama saba tofauti vya kisiasa ambao waligombea katika uchaguzi uliopita .

Chama kilichomuunga mkono Yahya Jammeh cha APRC, pia kina uwakilishi katika baraza hilo. Wagambia watatumia mfumo wa utamaduni wao wa upigaji kura wa kutupa golori ya chuma katika masanduku ya rangi moja kwa kila chama.

Haki miliki ya picha Getty Images
Image caption Wagambia watapiga kura kwa kutupa golori ya chuma katika masanduku ya rangi moja kwa kila chama.