Je unawajua wakongwe waliozoea kufanya kazi duniani?

Prince Philip Haki miliki ya picha AFP/Getty Images
Image caption Mwanamfalme Philip anasema atajiuzulu baadaye mwaka huu

Wakati Mwanamfalme Philip, anayeingia miaka 96 mwezi Juni anastaafu majukumu yake ya kifalme baadaye mwaka huu, tunawaangazia baadhi ya watu wanaofurahia kazi zao kiasi cha kuamua kuendelea kufanya kazi - wengi wao hata kumpita Kiongozi huyo wa Edinburgh.

David Goodall, Mwansayansi mkongwe Australia

Mkongwe huyo wa miaka 103 mwaka jana alishinda kesi kuendelea kufanya kazi katika chuo kikuu kilichoko magharibi mwa Australia cha Edith Cowan huko Perth.

Dr Goodall aliagizwa kufanya kazi akiwa nyumbani 2017 huku kukiwa na wasiwasi kuhusu usalama wake, lakini chuo hicho baadaye kilisema, nafasi nzuri imepatikana katika tawi la chuo hicho lililoko karibu na makaazi ya mwanasayansi huyo.

Haki miliki ya picha ABC
Image caption Dr Goodall amechapisha matokeo ya utafiti zaidi ya 100

Dr Goodall, aliyelazimika kuachana na uigizaji, kutokana na kutoweza kuendesha gari kwenda kufanya mazoezi kwasbabau ya matatizo ya kuona, amesema ameshukuru kuwa chuo kikuu hicho kimeweza kumpa nafasi.

"Lakini bado nadhani suala la kuhusu usalama wangu halikustahili kuweko," ameliambia shirika la utangazaji Australia ABC.

Dr Goodall, ambaye sasa anashikilia wadhifa wa mtafiti muandamizi katika chuo hicho, amechapisha zaidi ya nyaraka 100 za utafiti katika ekolojia katika kipindi cha miaka 70.

Anthony Mancinelli, Kinyozi mkongwe duniani

Mkongwe huyu wa miaka 106 kutoka kaunti ya Orange jimboni New York ametuzwa rasmi sifa hiyo na Guinness Book of World Records mnamo 2012.

Lakini Mancinelli, ambaye amekuwa akinyoa nywele kwa zaidi ya miongo 9 anaendelea kufanya kazi.

Haki miliki ya picha HVNN/YouTube
Image caption Anthony Mancinelli amehudumu kama kinyozi kwa zaidi ya miaka 90

"Usisite. Ukistaafu na umezeeka katika unachokifanya - tafuta kingine cha kufanya. Usistaafu," alisema katika mahojiano hivi karibuni na WCBS 880.

Anakumbuka kwa furaha siku za kwanza alipoanza kufanya kazi dukani ambapo vinyozi walilazimika kutoa huduma nyingine za kuondosha maumivu na hata kutumia ruba kupunguza shinikizo la damu.

Bi Mastanamma - Nyota wa YouTube India

Ana miaka 106 na huwavutia watu wengi kwenye kipindi chake cha upishi India.

Anatumia mbinu rahisi za upishi anazoziita "mbinu za kijijini". Hupika chakula kitamu cha kitamaduni India

Haki miliki ya picha YouTube
Image caption Bi Mastanamma asema mtu yoyote anaweza kupika

Mastanamma, anatoka jimbo la India kusini Andhra Pradesh, na anasema upishi sio mgumu na mtu yoyote anaweza kupika.

Fikra ya kuanzisha kipindi chake ilitokea kwa kitukuu chake aliyechapisha video zake akipika.

Jack Bertrand Weinstein, Jaji wa serikali Marekani

Mkongwe huyu wa miaka 95 anayefanya kazi katika wilaya ya mashariki New York, alipokea wadhifa mkuu mnamo 1993.

Hatahivyo tofauti na majaji wengine wakuu, anafanya kazi kikamilifu.

Haki miliki ya picha uscourts.gov
Image caption Jaji Weinstein: " kila asubuhi huwa nina hamu kubwa kuingia mahakamani".

Alipoulizwa mwaka 2014 kama anafanya kazi kwa saa kamili alijibu: "Ndio, nabeba mzigo kamili kama jaji mwingine yoyote anayefanya kazi katika mahakama hii kwa hiyo unapouliza nimefanya kazi siku ngapi, ni siku saba. Siku ngapi mahakamani? Tano. Ni kazi nzuri mno.

Alihudumu katika jeshi la majini la Marekani wakati wa vita vya pili vya dunia, na alistaafu kama luteni.

Shigeaki Hinohara - Huenda daktari mkongwe zaidi anayefanya kazi kutoka Japan

Mkongwe huyu wa miaka 105 wenzake humtambua kama mali ya kitaifa inayoishi Japan

Dr Hinohara anaongoza taasisi tano kando na kuwa rais wa hospitali ya kimataifa ya St Luke's Tokyo.

Haki miliki ya picha AFP
Image caption Dr Hinohara amechapisha maelfu ya nyaraka kuhusu utabibu

Na bado huitembelea hospitali hiyo kila siku kuwakagua wagonjwa.

Babake, ni kiongozi wa dini ya kikristu inaarifiwa alimpa ushauri muhimu: "kuwa na malengo makubwa na uyatimize maishani kwa hikima. Huenda usiyatimize ukiwa hai, lakini usisahau kujaribu, ndipo utaweza kufanikiwa."

Dr Hinohara amechapisha maelfu ya nyaraka ya kitabibu, na ameandika mamia ya vitabu.

Mada zinazohusiana