Helikopta ya polisi yashambulia mahakama ya juu Venezuela

Venezuelan authorities inspect the area around the Supreme Court in Caracas, Venezuela, 27 June 2017 Haki miliki ya picha EPA
Image caption Polisi ambaye alidaiwa kuiendesha ndege hiyo ya polisi iliyokuwa imeibwa alitoa taarifa ya kupinga serikalia

Mahakama ya juu nchini Venezuela imeshambuliwa kwa maguruneti yaliyorushwa kutoka kwa helkopta katika kile rais Nicolas Maduro amekitaja kuwa shambulizi la kigaidi.

Picha katika mitandao ya kijamii zilionyesha helikopta ya polisi ikizunguka mjini kabla ya milio ya risasi na milipuko kusikika.

Polisi ambaye alidaiwa kuiendesha ndege hiyo ya polisi iliyokuwa imeibwa alitoa taarifa ya kupinga serikalia. Hadi sasa hajulikani aliko.

Kisa hiki kinajiri baada ya maandamano makubwa kupinga matatizo ya kisiasa na kiuchumi nchini humo.

Haki miliki ya picha Instagram
Image caption Polisi huyo alijitambua kama Oscar Perez kupitia video iliyochapishwa kwenyr mtandao wa Instagram.

Mahakama ya juu mara nyingi hukosolewa na upinzani kwa maamuzi yake ya kuchangia bwana Maduro kusalia madarakani.

Akitoa hotuba kutoka kwa ikulu, Rais Maduro alisema kuwa helikopta ilipita juu ya mahakama ya juu na pia kwenye wizara ya sheria na ile ya mambo ya ndani.

Maafisa wanne walionukuliwa na shirika la Reuters, walisema kuwa maguruneti manne yaliangushwa kwenye mahakama na risasi 15 kufuytuliwa kuenda kwa wizara ya mambo ya ndani.

Haki miliki ya picha EPA
Image caption Bwana Madurio ameweka jeshi katika hali ya tahadhari

Hakuna majeraha yaliyoripotiwa.

Bwana Madurio ameweka jeshi katika hali ya tahadhari

Polisi huyo alijitambua kama Oscar Perez kupitia video iliyochapishwa kwenyr mtandao wa Instagram.

Mada zinazohusiana