Wafanyakazi wanaolipwa mishahara ya juu zaidi katika BBC wafichuliwa

Chris Evans and Claudia Winkleman Haki miliki ya picha PA/Getty Images
Image caption Evans na Winkleman ndio wanalipwa zaidi upande wa wanaume na wananawake

Chris Evans amekuwa wa kwanza katika orodha ya wafanyakazi nyota wa BBC wanaolipwa mishahara ya juu zaidi.

Alilipwa kati ya pauni milioni 2.2 na milioni 2.25 mwaka 2016/2017, huku Claudia Winkleman akiwa mwanamke mfanyakazi nyota wa BBC anayelipwa mshahara wa juu zaidi, akiwa anapiliwa kati ya pauni 450,000 na 500,000.

Evans ni mtangazaji na mwandaaji wa vipindi ambaye miongoni mwa mengine, mwaka jana alifanya kazi katika kipindi cha asubuhi cha Radio 2 pamoja na kipindi cha maonesho ya magari cha Top Gear.

Winkleman pia ni mtangazaji wa kipindi katika Radio 2.

Karibu thuluthi mbili ya nyota wanaolipwa zaidi ya pauni 150,000 ni wanaume ikilinganishwa na thuluthi moja ya wanawake.

Image caption Malipo ya baadhi ya wafanyakazi wa BBC

Mkurugenzi mkuu wa BBC Tony Hall alisema kuwa kuna mengi yanahitaji kufanywa kwa suala ya jinsia.

Viwango ambavyo vimetolewa katika ripoti ya kila mwaka ya BBC, vinafichukua mwanya wa malipo ulio kati ya wanawake na wanaume.

Kwa ujumla wanaume25 wanaofaya kazi inayohitaji vipawa, hulipwa zaidi ya pauni 250,000 ikilinganishwa na wanawake tisa tu.

Image caption Wawili kati ya majaji wa kipindi cha Strictly wanalipwa zaidi kuliko wengine

Hii ndiyo mara ya kwanza mishahara ya wafanyakazi nyota wa BBC wanaolipwa zaidi ya pauni 150,000 imetangazwa kwa umma.

Ripoti hiyo ya kila mwaka hata hivyo haijatoa kiwango kamili cha mishahara na pia haijajumuisha wafanyakazi nyota ambao hupokea mishahara kutoka BBC Worldwide.

Pia orodha hiyo haikutofautisha mishahara ya watu wanaofanya kazi zaidi ya moja ndani ya BBC na wale walio na kazi moja.

Image caption Wanaolipwa zaidi