Nkurunziza afika Tanzania ziara yake ya kwanza nje tangu 2015

Nkurunziza na Magufuli Haki miliki ya picha Ikulu, Tanzania
Image caption Rais Nkurunziza akiwa na mwenyeji wake Rais John Magufuli baada ya kufika Ngara, kaskazini magharibi mwa Tanzania

Rais wa Burundi Pierre Nkurunziza anafanya ziara yake ya kwanza ya kigeni tangu kufeli kwa jaribio la kupindua serikali yake zaidi ya miaka miwili iliyopita.

Amesafiri na mawaziri kadha kwenda nchini Tanzania, ambao imetoa makao kwa zaidi ya wakimbizi robo milioni kutoka Burundi.

Watu hao waliikimbia Burundi baada ya mzozo uliotokana na hatua ya Bw Nkurunziza kuwania muhula wa tatu.

Nkurunziza alikuwa akihudhuria mkutano nchini Tanzania wakati jaribo hilo lilipofanyika mwezi Mei mwaka 2015.

Mamia ya watu wameuawa tangu mzozo huo uanze wengi wanaodaiwa kuwa wafuasi wa upinzani.

Haki miliki ya picha AFP
Image caption Mamia ya watu wameuawa tangu mzozo huo uanze wengi wanaodaiwa kuwa wafuasi wa upinzani.
Haki miliki ya picha Ikulu, Tanzania