Washindi watuzwa kombe la Charity ''Sheild'' kimakosa Tanzania

Neno Shield liliandikwa kimakosa na kusomeka ''Sheild'' Haki miliki ya picha Twitter
Image caption Neno Shield liliandikwa kimakosa na kusomeka ''Sheild''

Makosa ya herufi yanaweza kuwa ndoto mbaya kwa mwandishi yeyote yule.

Hatahivyo makosa hufanyika na binadamu yeyote yule na anapotambua makosa hayo yeye husahihisha.

Haki miliki ya picha Twitter
Image caption Ujumbe wa Twitter uliochapishwa baada ya sherehe ya kuwazawadi washindi wa kombe hilo

Lakini sio kama makosa ya herufi katika kombe kubwa la soka.

Siku ya Jumatano usiku klabu ya Simba iliwalaza wapinzani wao wa jadi Yanga kwa mikwaju ya penalti katika mechi ya kombe la kufungua msimu la Community Shield.

Lakini ni mashabiki waangalifu walioona makosa ya herufi katika maandishi ya kombe hilo.

Neno Shield liliandikwa kimakosa na kusomeka ''Sheild'' lakini hilo halikusitisha sherehe za kulikabidhi kwa mshindi kombe hilo.

Haki miliki ya picha Twitter
Image caption Ujumbe wa Twitter wa kuomba msamaha uliotumwa na shirikisho la soka nchini humo TFF

Kulingana na gazeti moja nchini Tanzania, mamlaka ya soka nchini humo sasa imeomba msamaha kwa kosa hilo.