Al-Shabab washambulia mji wa El Wak karibu na mpaka wa Kenya

Wapiganaji wa al-Shabab nchini Somalia Haki miliki ya picha Getty Images
Image caption Wapiganaji wa al-Shabab nchini Somalia

Kundi la wapiganaji wa Somalia, al Shabaab, limeshambulia mji wa El Wak, karibu na mpaka wa Kenya.

Wapiganaji hao waliingia mjini humo, bila kupata pingamizi yoyote, na kuharibu makao makuu ya serikali ya eneo hilo pamoja na kituo cha polisi.

Hapo awali, wanajeshi wa serikali ya Somalia, walikimbilia Kenya.

Wakuu wa El Wak wanasema al-Shabaab waliwaonya mapema, wakaazi wa El Wak, wasishirikiane na jeshi la Somalia na kikosi cha kuweka amani cha Umoja wa Afrika, (AMISOM).

Waliiba msaada wa vyakula, na kuondoka El Wak baada ya saa chache.

Mada zinazohusiana