Hawaii yafanyia jaribio king'ora cha kuonya shambulizi la nyuklia

A tsunami warning tower in between palm trees at Kakaako Waterfront Park in Honolulu, Hawaii, November 28, 2017 Haki miliki ya picha Reuters
Image caption Hawaii yafanyia jaribio king'ora cha kuonya kuhusu shambulizi la nyuklia

Kwa mara ya kwanza tangu kumalizika kwa vita baridi jimbo la Hawaii nchini Marekani limefanyia jaribio king'ora cha kuonya kuhusu shambulizi la nyuklia

Hatua hiyo ilichukuliwa baada ya jaribio la kombora la masafa marefu lililofanywa na Korea Kaskazini mapema wiki hii.

Hawai kawaida ina ving'ora ambavyo huonya kuhusu majanga ya asili kama tsunami.

Kingora cha nyuklia kina mlio tofauti ambacho huwaonya watu kusalia manyumbani wakisubiri ushauri zaidi.

Lakini king'ora hicho kilisikika tena Ijumaa na kitarudiwa klila jumatatu ya kwanza ya mwezi.

Kombora linalorushwa kutoka Korea Kaskazini linaweza kushambulia Hawaii ndani ya dakika 20 baada ya kufyatuliwa.

Hivi majuzi Korea ilifyatua kombora mpya la masafa marefu ambalo inadai kuwa linaweza kushambulia ndani ya Marekani.

Image caption Kombora linalorushwa kutoka Korea Kaskazini linaweza kushambulia Hawaii ndani ya dakika 20

Mada zinazohusiana