Jeshi la Uganda ladai kuwaua waasi wa ADF DR Congo

Waasi wa ADF wanaopetekeleza opresheni zao mashariki mwa DR Congo
Image caption Waasi wa ADF wanaopetekeleza opresheni zao mashariki mwa DR Congo

Jeshi la Uganda linasemekana kushambulia kambi kadhaa za waasi mashariki mwa Congo.

Kwa mjibu wa msemaji wa jeshi la UPDF, shambulio hilo lilifaulu baada ya Uganda na Jamhuri ya Kidemokrasia ya Congo, kugawana taarifa za kijasusi.

Kwa upande wake, msemaji wa serikali ya DR Congo Richard Karemire, ameviambia vyombo vya habari nchini humo kuwa, ni ukweli kwamba wanajeshi wa Uganda wamevamia maeneo ya waasi na kushambulia kambi kadhaa.

Ameongeza kusema kuwa, wanajeshi hao wa Uganda hawakuingia nchini DRC, bali walitumia ndege za kijeshi pamoja na makombora mazito mazito ya kulipua mbali.

Idadi ya waasi waliouwawa bado haijatolewa.

Waasi hao wa ADF hivi majuzi walidaiwa kupanga mashambulio dhidi ya wanajeshi walinda amani wa MONUSCO.

Mada zinazohusiana