Makampuni yashinikizwa kutowekeza kwa watengeneza silaha Marekani

Makampuni yanayouza silaha yatakiwa kuhakikisha usalama wa matumizi ya silaha unakuwepo
Image caption Makampuni yanayouza silaha yatakiwa kuhakikisha usalama wa matumizi ya silaha unakuwepo

Kampuni kubwa ya usimamizi katika uwekezaji imeweka shinikizo dhidi ya makampuni yanayotengeneza na kuuza silaha baada ya tukio la mashambulizi katika shule ya Florida.

Kampuni ya Black Rock imekuwa ikiwashawishi wawekezaji kutowekeza kwenye makampuni ya kutengeneza silaha na amekuwa akiyauliza makampuni ni namna gani huwa wanachunguza matumizi salama ya silaha.

Shirika hilo limesema jambo linatakiwa kufanyika baada ya tukio la Florida ambapo watu 17 walipoteza maisha.

Shirika hilo ni mdau mkubwa katika viwanda vikubwa viwili vya kutengeneza silaha nchini Marekani.

Black Rock inaamini kuwa tukio hilo linahitaji mwitikio kutoka kwenye sekta zote, za uma na binafsi.