Mti alioupanda Macron ikulu ya White House akiwa na Trump wapotea

Donald Trump, Brigitte Macron, Melania Trump na rais Emmanuel Macron Haki miliki ya picha Reuters
Image caption Viongozi hao wawili walimimina mchanga kwa kutumia shepe kwenye mti huo katika bustani ya kusini ya ikulu ya White House

Mti ambao rais Donald Trump alipewa kama zawadi na rais mwenzake wa Ufaransa Emmanuel Macron umetoweka kutoka kwenye bustani ya ikulu ya White House Marekani.

Viongozi hao wawili waliupanda mti huo , uliotoka eneo lililoshuhudia vita vya dunia vya kwanza kazkazini mashariki mwa Ufaransa, wiki iliyopita.

Macron amesema mti huo utakuwa ukumbusho wa 'uhusiano unaotuunganisha'.

Lakini mpiga pichawa shirika la habari la Reuters siku ya Jumamosi alipiga picha ya nyasi chache za njano tu zilizosalia katika eneo ambako mti huo ulipandwa. Baadaye balozi wa Ufaransa nchini Marekani alituma ujumbe katika Twitter kwamba mti huo umewekwa kwenye karantini.

Mti huo unatoka eneo ambako kulishuhudiwa vita vya kwanza vya dunia mnamo 1918.

Takriban wanajeshi 2,000 wa Marekani walifariki katika vita hivyo kaskazini mashariki mwa mji mkuu Paris.

Hatahivyo, siku nne baada ya kupandwa, mti umepotea.

Haki miliki ya picha Reuters
Image caption Ni nyasi chache tu za njano zilizosalia mahlai ambako mti huo ulikuwa umepandwa

Kukiwa hakuna sababu rasmi iliotolewa kwa kupotea mtihuo, kumekuwana uvumi katika mtandao kuhusu hatma ya mti huo.

Radio ya Ufaransa Franceinfo inanukuu mtandao wa upaliliaji bustani gerbaud.com, unaosema kwamba aina hii ya mti huwa ni vizuri ukipandwa wakati wa msimu wa mapukutiko, ili kutoa nafasi miziz ijikite na kukuwa vizuri, kuweza 'kukabiliana na joto kali la msimu unaofuata wa joto'.

"Huenda mti huo ukapandwa upya mwezi Oktoba," Franceinfo inakisia.

Baadaye balozi wa Ufaransa Gerard Araud alisema mti huo umewekwa kwenye karantini.

Araud pia alijaribu kuondosha wasiwasi kuhusu iwapo mti huo kweli ulipandwa.

Mtandao wa idara ya ushuru na ulinzi wa mipakani Marekani umeeleza kuwa miti inayotoka nchi za nj , inayonuiwa kupandwa inahitaji vibali maalum kabla ya kuletwa nchini.

Maelezo zaidi kuhusu taarifa hii