Mahakama ya ICC kujadiliwa Uganda.

Ocampo akiwa na Waziri Mkuu wa Kenya Raila Odinga
Image caption Ocampo akiwa na Waziri Mkuu wa Kenya Raila Odinga

Wajumbe kutoka zaidi ya nchi 100 wanakutana mjini Kampala Uganda, kujadili mafanikio ya Mahakama ya Kimataifa ya jinai ICC, tangu ilipobuniwa miaka minane iliyopita.

Mahakama hiyo kwa sasa inaendesha uchunguzi wa kesi tano kuu, zote kuhusu washukiwa kutoka barani Afrika.

Hadi kufikia sasa mahakama hiyo haijatoa hukumu yoyote dhidi ya mshukiwa yeyote, ingawa mwendesha mkuu wa mashtaka, Luis Moreno-Ocampo, amefahamisha BBC kuwa kuwepo kwa mahakama hiyo kumebadili ambavyo majeshi, serikali na hata mahakama za nchi tofauti zinavyoendesha harakati zao.

Kongamano hilo pia litajadili uwezekano wa kufanyia mabadiliko sheria za makubaliano ya Rome yaliyopelekea kundwa kwa mahakama hiyo miaka kumi na mbili iliyopita.