Soko kuu lateketea Kampala

Moto Kampala
Image caption Moto Kampala

Wachuuzi kama elfu kumi katika soko kuu la Owino mjini Kampala, wamepoteza mali zao zilizoteketea kwenye moto uliotokea Jumapili alfajiri.

Hii ni mara ya pili moto kutokea hapo katika kipindi cha miaka miwili.

Polisi walisema wanachunguza tukio hilo.

Salim Uhuru diwani wa mtaa huo alisema "hii ni mara ya pili soko limeshika moto. Ripoti ya polisi ya kwanza bado haijatoka na sasa moto umetokea mara ya pili. Hatujui kama moto umetokana na stima, au walichoma au jambo la kawaida. Hatujui."

"Lakini tunaomba wachuuzi warudi sokoni kwa sababu habari tulizopata ni kuwa watu wameshanunua ardhi hii. Na wakinunua ardhi hii, kutufukuza wanachochoma vitu vya watu," aliongeza.

"Lakini sisi kama madiwani wa eneo hili, tumewaambia wachuuzi warudi katika maduka yao. Hakuna mtu aliyewahi kuokoa mali yake. Yote imeungua."