Miripuko yauwa wasafiri Nairobi

Imebadilishwa: 10 Machi, 2012 - Saa 18:23 GMT

Watu watano wameuwawa na wengi kujeruhiwa kwenye shambulio katika kituo cha basi mjini Nairobi, Kenya.

Polisi wanalinda maduka mjini nairobi

Inaarifiwa kuwa maguruneti kama mane yalirushwa kutoka kwenye gari dhidi ya kituo cha basi mjini Nairobi - kituo cha Machakos Bus Station, ambacho kilikuwa kimejaa wateja.

Shambulio hilo limetokea Jumamosi saa mbili usiku.

Hadi sasa inajulikana kuwa watu watano wamekufa, na wengi kujeruhiwa.

Mbunge wa jimbo hilo la Kamukunji, Yusuf Hassan, alisema alihisabu majeruhi 40 walipokuwa wakifikishwa hospitali ya taifa, ya Kenyatta.

Wakuu bado hawakueleza nani alihusika na shambulio hilo; wala kama washambuliaji ni wa ndani au kutoka nje ya nchi.

Bwana Hassan alisema kuna majonzi na masikitiko mjini Nairobi kutokana na maafa hayo, lakini alisema safari za magari kwenye kituo zimeanza tena.

Aliwasifu watu wa Nairobu kuwa shupavu.

Saa hizo za magharibi ni za harakati nyingi kwenye kituo hicho cha mabasi kutoka mikoani, na huwa na wasafiri wengi.

Taarifa zinazohusiana

BBC © 2014 Ilani: BBC haihusiki na yaliyoandikwa na tovuti za nje ya BBC.

Ukurasa huu unaonekana vyema kwa kivinjari cha kisasa kikiwa na laha mtindo (CSS).Wakati unaweza kuona yaliyomo katika ukurasa huu kwa kivinjari ulichonacho, hautaweza kufaidi kuona kila kitu vizuri. Tafadhali zingatia uwezekano wa kuboresha progaramu ya kivinjari au kuwezesha laha mtindo (CSS) endapo unaweza kufanya hivyo.