Jeshi la Nigeria matatani kwa mauaji

Imebadilishwa: 9 Oktoba, 2012 - Saa 09:46 GMT

Eneo la Maiduguri

Takriban watu 30 wameuawa na wanajeshi Kaskazini Mashariki mwa Nigeria baada ya mabomu kulipuka mjini Maiduguri. Wenyeji wa mji huo wameelezea ambavyo wanajeshi waliwapiga risasi raia kiholela na kisha kuteteketeza nyumba zao.

Mwenyeji mmoja mjini humo, alielezea kuona kwa uchache kabisa mili tano. Mwandishi mmoja wa habari, wa shirika la AP alisema aliweza kuhesabu takriban miili thelathini.

Taarifa kutoka mjini humo zinasema kuwa wanajeshi waliwafyatulia risasi watu muda mfupi baada ya bomu moja kulipuka katika kituo cha kijeshi.

Wenyeji wanasema kuwa wanajeshi waliwachapa watu kabla ya kuteketeza moto nyumba na maduka. Aidha msemamji wa jeshi alipuuzilia mbali madai hayo akisema hakuwa na ripoti zozote za raia kuuawa.

Wadadisi wanasema kuwa katika mgogoro huu kati ya jeshi na Boko Haram, raia wamekuwa ndio wenye kuumia zaidi. Kwa kuwa hakuna wa kuwaamini kati ya polisi na Boko Haram, wenyeji wanasalia wamenaswa katikati ya mgogoro huu.

Shirika la Huma Rights Watch hivi karibuni lilitoa wito wa polisi wanaowafanyia ukatili watu kuchukuliwa hatua za kisheria.

Taarifa zinazohusiana

BBC © 2014 Ilani: BBC haihusiki na yaliyoandikwa na tovuti za nje ya BBC.

Ukurasa huu unaonekana vyema kwa kivinjari cha kisasa kikiwa na laha mtindo (CSS).Wakati unaweza kuona yaliyomo katika ukurasa huu kwa kivinjari ulichonacho, hautaweza kufaidi kuona kila kitu vizuri. Tafadhali zingatia uwezekano wa kuboresha progaramu ya kivinjari au kuwezesha laha mtindo (CSS) endapo unaweza kufanya hivyo.