Uingereza yatoa ilani ya ugaidi Misri

Imebadilishwa: 3 Novemba, 2012 - Saa 09:53 GMT

Wizara ya Mashauri ya Nchi za Nje ya Uingereza imeonya kwamba uwezekano unazidi kwamba kutatokea mashambulio ya kigaidi katika eneo la Sinai nchini Misri; na imezidisha uzito wa onyo hilo kutoka la kawaida na kuwa kubwa zaidi.

Magari ya jeshi la Misri katika eneo la Sinai

Ilani hiyo imetolewa kutokana na taarifa za hivi karibuni kuhusu ile inayosemekana kuwa njama ya al-Qaeda na kupatikana kwa silaha katika eneo hilo la Sinai.

Piya linafuata polisi wa Misri kugundua kikundi cha magaidi mjini Cairo, na baadhi ya taarifa zinaeleza magaidi hao wakipanga kushambulia watalii kutoka mataifa ya Magharibi.

Hata hivyo Wizara ya Mashauri ya Nchi za Nje ya Uingereza inasema hali katika maeneo ya watalii ya Bahari ya Sham, pamoja na Sharm el Sheikh, ni tulivu.

Taarifa zinazohusiana

BBC © 2014 Ilani: BBC haihusiki na yaliyoandikwa na tovuti za nje ya BBC.

Ukurasa huu unaonekana vyema kwa kivinjari cha kisasa kikiwa na laha mtindo (CSS).Wakati unaweza kuona yaliyomo katika ukurasa huu kwa kivinjari ulichonacho, hautaweza kufaidi kuona kila kitu vizuri. Tafadhali zingatia uwezekano wa kuboresha progaramu ya kivinjari au kuwezesha laha mtindo (CSS) endapo unaweza kufanya hivyo.