Dereva kwenye ajali ya Mandela aachiliwa

Imebadilishwa: 7 Novemba, 2012 - Saa 14:01 GMT

Marehemu Zenani Mandela

Dereva wa gari iliyohusika na ajali iliyomuua kitukuu wa rais mustaafu wa Afrika Kusini Nelson Mandela, ameachiliwa baada ya kesi yake kutupiliwa mbali na mahakama

Wakili wa Sizwe Mankazana, alisema kuwa mteja wake alifutiliwa madai yote dhidi yake ikiwemo kuendesha gari akiwa mlevi.

Alikuwa anamrejesha nyumbani Zenani Mandela kutoka kwenye tamasha la kabla ya kuanza kwa kombe la dunia mwaka 2010 wakati gari lililokuwa limewabeba lilipogonga chuma.

Zenani alikuwa mmoja wa vitukuu tisa wa bwana Mandela.

Mandela aliyepigana dhidi ya ubaguzi wa rangi na ambaye alikuwa rais wa kwanza mweusi wa Afrika Kusin, alipigia debe sana nchi hiyo kuandaa michuano ya kombe la dunia.

Wakili wa Mankazana,Hulme Scholes, alisema kuwa mahakimu waliitaja ajali hiyo kama ya kutisha.

Bwana Mankazana alikuwa emefutiliwa mbali makosa yake ya kuendesha ovyo gari pamoja na kuwa mlevi, hali ambayo ilihatarisha maisha yake.

Nyanyake Zenani sasa anasimamia kampeini ya Umoja wa Mataifa ya kuhamasisha kuhusu usalama barabarani.

Afrika Kusini ina mojawapo ya rekodi mbaya sana za usalama wa barabarabni, na inakadiriwa kuwa watu 42 hufariki kila siku katika barabara za nchini humo.

Taarifa zinazohusiana

BBC © 2014 Ilani: BBC haihusiki na yaliyoandikwa na tovuti za nje ya BBC.

Ukurasa huu unaonekana vyema kwa kivinjari cha kisasa kikiwa na laha mtindo (CSS).Wakati unaweza kuona yaliyomo katika ukurasa huu kwa kivinjari ulichonacho, hautaweza kufaidi kuona kila kitu vizuri. Tafadhali zingatia uwezekano wa kuboresha progaramu ya kivinjari au kuwezesha laha mtindo (CSS) endapo unaweza kufanya hivyo.