Waasi wadungua ndege ya Khartoum

Imebadilishwa: 8 Novemba, 2012 - Saa 17:41 GMT

Mapigano Kordofan Kusini

Waasi katika jimbo la Kordofan Kusini, nchini Sudan wanasema kuwa wamedungua ndege ya kijeshi karibu na mpaka wake na Sudan Kusini.

Msemaji wa kundi la SPLM-North amesema kuwa ndege hiyo ilidunguliwa kufuatia ufyatuaji mkubwa wa risasi katika eneo la milimani la Nuba siku ya Jumatano.

Hakuna tamko lolote kutoka kwa serikali ya Khartoum kuhusu shambulizi hilo.

Waasi wamekuwa wakipigana dhidi ya serikali ya Sudan katika eneo hilo tangu Juni mwaka jana.

Mzozo huu wa Kordofan Kusini pamoja na Ule wa jimbo la Blue Nile umewafanya maelfu ya watu kutoroka makwao.

Taarifa zinazohusiana

BBC © 2014 Ilani: BBC haihusiki na yaliyoandikwa na tovuti za nje ya BBC.

Ukurasa huu unaonekana vyema kwa kivinjari cha kisasa kikiwa na laha mtindo (CSS).Wakati unaweza kuona yaliyomo katika ukurasa huu kwa kivinjari ulichonacho, hautaweza kufaidi kuona kila kitu vizuri. Tafadhali zingatia uwezekano wa kuboresha progaramu ya kivinjari au kuwezesha laha mtindo (CSS) endapo unaweza kufanya hivyo.