Malkia ahudhuria mkutano wa mawaziri

Imebadilishwa: 18 Disemba, 2012 - Saa 14:56 GMT
Malkia Elizabeth

Malkia akiwa katika mkutano wa baraza la mawaziri

Katika sherehe za mwisho za kuadhimisha miaka hamsini , tangu kuchukua uongozi malkia Elizabeth wa Uingereza ameweka historia ya kuwa mtawala wa kwanza katika kipindi cha zaidi ya karne mbili kuhudhuria mkutano wa baraza la mawaziri.

Vilevile, himaya ya uingereza katika eneo la Antarctic imepewa jina lake.

Akiwa katika mkutano wa mawaziri, aliketi kwenye kiti ambacho kwa kawaida hutumiwa na waziri mkuu David Cameron, ambaye alimwambia anaamini kuwa mara ya mwisho kwa mtawala wa kifalme kuhudhuria mkutano wa mawaziri ilikuwa ni katika kipindi ambacho Marekani ilikuwa ikipigania uhuru wake kutoka kwa waingereza.

Malikia aliondoka na zawadi ya zulia la kifahari lililonunuliwa na fedha zilizochangwa na mawaziri.

Baadae aliitembelea ofisi ya mambo ya nje ambapo waziri wa mambo ya nje William Hague alimwambia sehemu ya kusini ya himaya yake katika eneo la Antarctica limepewa jina la malikia Elizabeth kama heshima kwake.

BBC © 2014 Ilani: BBC haihusiki na yaliyoandikwa na tovuti za nje ya BBC.

Ukurasa huu unaonekana vyema kwa kivinjari cha kisasa kikiwa na laha mtindo (CSS).Wakati unaweza kuona yaliyomo katika ukurasa huu kwa kivinjari ulichonacho, hautaweza kufaidi kuona kila kitu vizuri. Tafadhali zingatia uwezekano wa kuboresha progaramu ya kivinjari au kuwezesha laha mtindo (CSS) endapo unaweza kufanya hivyo.