Mechi ya AC Millan yasitishwa kutokana na Ubaguzi wa rangi

Imebadilishwa: 3 Januari, 2013 - Saa 18:05 GMT
Prince Boateng

Prince Boateng

Mchezo wa kirafiki kati ya timu ya AC Milan na Pro Patria za nchini Italia, ilisitishwa na ya wachezaji kutoka nje ya uwanja kwa sababu ya kutolewa maneno ya ubaguzi dhidi ya wachezaji weusi.

Mchezaji wa AC Milan Kevin-Prince Boateng alibeba mpira dakika ya 25 ya mchezo na kuupiga kuelekea walikokaa watazamaji.

Boateng mchezaji wa kimataifa wa Ghana baadaye alivua jezi yake na kufuatwa na wachezaji wenzake wa timu zote mbili, na maafisa waliokuwa katika mchezo huo uliofanyika uwanja wa Pro Patria.

Kumekuwa na kauli zilizotolewa zikiwataka mashabiki wa wachezaji kuacha kutumia lugha ya ubaguzi.

Akiwa anatoka uwanjani, Boateng aliwapongeza watazamaji waliokabiliana na vitendo vya ubaguzi vilivyoonyeshwa na baadhi ya mashabiki.

Baadaye ikafahamika kuwa mechi hiyo isingeendelea na tovuti rasmi ya AC Milan imesema wachezaji wengine weusi wa timu hiyo akiwemo M'Baye Niang, Urby Emanuelson na Sulley Muntari - walikabiliwa na vitendo vya ubaguzi uwanjani.

Koocha wa AC Milan, Massimiliano Allegri amewambia waandishi wa habari: "Tumesikitishwa na kuhuzunishwa kwa kile kilichotokea.

Mkurugenzi wa uratibu wa AC Milan Umberto Gandini ameiambia BBC Sport: "inasikitisha sana lakini tulitakiwa kuonyesha ishara kali. Tumefurahishwa sana na uamuzi wa wachezaji wote wa Milan wa kutoka nje ya uwanja."

Wachezaji wenzao , akiwemo nahodha wa Manchester City Vincent Kompany, wamemuunga mkono Boateng na wachezaji wenzake kwa uamuzi huo.

BBC © 2014 Ilani: BBC haihusiki na yaliyoandikwa na tovuti za nje ya BBC.

Ukurasa huu unaonekana vyema kwa kivinjari cha kisasa kikiwa na laha mtindo (CSS).Wakati unaweza kuona yaliyomo katika ukurasa huu kwa kivinjari ulichonacho, hautaweza kufaidi kuona kila kitu vizuri. Tafadhali zingatia uwezekano wa kuboresha progaramu ya kivinjari au kuwezesha laha mtindo (CSS) endapo unaweza kufanya hivyo.