Utulivu Eritrea baada ya wanajeshi kuasi

Imebadilishwa: 22 Januari, 2013 - Saa 13:27 GMT

Wakuu nchini Eritrea wanasema mji mkuu Asmara umesalia tulivu, siku moja baada ya wanajeshi mia mbili walioaasi kuteka wizara ya habari.

Afisa mmoja mkuu Yemane Gebremeskela aliliambia Shirika la habari la Ufaransa kuwa hali ni shwari kama ilivyokuwa awali.

Runinga ya kitaifa imerejea hewani baada ya matangazo kukatizwa na taarifa kutolewa ya kutaka kuwachiliwa huru kwa wafungwa wote wa kisiasa na kutekelezwa kwa katiba.

Bwana Yemane Gebremeskel, aliliambia shirika la habari la Ufaransa kwamba hali ni shwari katika Jiji la Asmara tangu siku ya Jumatatu.

Lakini afisa mwingine alisema kumekuwa na matukio machache.

Hata hivyo hali ni tofauti tangu wanajeshi 200 walioasi walipovamia wizara ya habari kutatiza matangazo ya radio na televisheni na kuwalazimisha watangazaji kusoma taarifa inayohimiza kuachiliwa huru kwa wafungwa wa kisiasa.

Matangazo ya Televisheni ya taifa sasa yamerudi hewani na mabalozi wa mataifa ya magharibi nao wamethibitisha kuwa waasi hao tayari wameondoka kutoka kwenye jumba la wizara hiyo ya habari.

Hata hivyo, kufikia sasa bado haijajulikana hatua waliZochukuliwa wanajeshi hao waasi.

Taarifa zinazohusiana

BBC © 2014 Ilani: BBC haihusiki na yaliyoandikwa na tovuti za nje ya BBC.

Ukurasa huu unaonekana vyema kwa kivinjari cha kisasa kikiwa na laha mtindo (CSS).Wakati unaweza kuona yaliyomo katika ukurasa huu kwa kivinjari ulichonacho, hautaweza kufaidi kuona kila kitu vizuri. Tafadhali zingatia uwezekano wa kuboresha progaramu ya kivinjari au kuwezesha laha mtindo (CSS) endapo unaweza kufanya hivyo.