Wen Jiabao afungua rasmi bunge China

Waziri mkuu mstaafu wa Uchina , Wen Jiabao, ameandaa sera za serikali ijayo kwa kipindi cha mwaka mmoja ujao wakati alipofungua rasmi bunge la nchi , ikiwa ni awamu ya mwisho ya kipindi cha ukabidhi wa mamlaka.

Bwana Wen amesema kuwa sera hizo zitatoa kipaumbele katika kuhakikisha hali bora ya maisha ya watu kwa kuboresha huduma za umma , kukabiliana na tatizo la uchafuzi mkubwa wa hali ya hewa na kusafisaha serikali.

Matamshi yake hayo yanakwenda sambamba na ahadi zilizotolewa na mkuu wa chama tawala cha kikomunisti , Xi Jinping, ya kuinua viwango vya maisha ya raia na kumaliza ufisadi .

Bwana Wen alikuwa akihutubia wajumbe elfu tatu wanaohudhuria kikao cha mwaka cha bunge la Uchina, ambacho kimefunguliwa mjini Beijing.