Kenya:Tume kupendekeza wakuu kushtakiwa

Image caption Mapigano ya baada ya uchaguzi wa mwaka 2007 yalifanya tume iundwe

Ripoti iliyosubiriwa kwa muda mrefu ya tume iliyochunguza ghasia na ukiukwaji wa haki za binaadamu nchini - Kenya itapendekeza baadhi ya watu wafunguliwe mashtaka kwa mujibu wa mmojawapo wa wajumbe wa tume hiyo.

Ahmed Sheikh Farah amesema Tume ya haki na Maridhiano iliangalia dhulma za miaka iliyopita tangu uhuru mwaka 1963.

Tume hiyo iliundwa baada ya ghasia za baada ya uchaguzi miaka mitano iliyopita.

Bwana Farah alisema ripoti hiyo itachapishwa baada ya kukabidhiwa Rais mpya Uhuru Kenyatta.

Bw Kenyatta , aliyeshinda uchaguzi mnamo mwezi wa March, anakabiliwa na Mahakama ya jinai ya kimataifa ICC kwa kuchochea baadhi ya ghasia za mwaka 2007/8 wakati watu 1,500 waliuwawa na zaidi ya 300,000 kulazimika kuyahama makaazi yao.Anakanusha madai hayo.

'Waathiriwa watafurahi'

Tume hiyo ilipewa jukumu la kuchunguza na kupendekeza hatua zinazofaa kuchukuliwa kuhusu ukiukwaji wa haki za binaadamu katika kipindi kati ya uhuru wa Kenya Desemba mwaka 1963 na mwisho wa Februari 2008 --mkiwemo ghasia zilizochochewa kisiasa,mauaji,ufisadi na migogoro ya ardhi.

Bw Farah alisema ripoti hiyo imekua tayari kukabidhiwa kwa Rais tangu Alhamisi Mei 2-lakini tume hiyo haikuweza kupata miadi ikulu kwa sababu ya shughuli nyingi za Bw.Kenyatta.

"nimeambiwa na mwanasheria mkuu kwamba iwapo tu ripoti yetu iwe na muhuri wa tarehe 2 Mei ,basi inaweza kukabidhiwa hata wiki ijayo.," Bw Farah ameiambia BBC.

Image caption Rais Uhuru Kenyatta

Alisema hakuweza kufichua maelezo kuhusu mapendekezo hayo hadi pale itakapochapishwa rasmi.

Lakini uwezo wa tume hiyo umemaanisha lazima kuwe na aina fulani ya haki "ili kuwaridhisha waathiriwa", alisema.

"tumependekeza baadhi ya watu wafunguliwe mashtaka lakini ikumbukwe tueshughulikia pia maswala ya maridhiano-kuganga makovu; umoja na mambo kama hayo ."

Bw Farah, ambae amesema mapendekezo ya tume hiyo ni jukumu la lazima ni mmoja wa Wakenya watano katika tume hiyo;wajumbe wengine watatu wanatoka Ethiopia, Marekani na Zambia.

Makataa ya kuwasilisha ripoti hiyo kwa Rais yamekwishaongezwa muda wake kwa kipindi cha miezi sita.

Raila Odinga, aliyekua waziri mkuu katika serikali iliyopita ya kugawana madaraka na aliyeshindwa uchaguzi wa Rais mwezi Machi alikiri kuwa mchakato huo umecheleweshwa mara kadhaa. Ripoti hiyo ilikua ikabidhiwe kwa aliyekua Rais Mwai Kibaki.

"lakini tulihisi ingetifua mambo ambayo yangeleta athari katika uchaguzi. Aliambi kipindi cha Newsday cha BBC. '

Odinga ambae aliekwa kizuizini kwa muda wa miezi sita wakati wa utawala wa aliyekua Rais Daniel arap Moi, alisema yeye hana wasiwasi wowote na ripoti hiyo kwa sababu hana kitu cha kuficha.

Rais Uhuru Kenyatta atafanya ziara ya kiserikali mjini London wiki ijayo, "ikiwa kuna chochote dhidi yangu niko tayari kuwasikiliza " alisema .

"watu hawatazamii kutakua na taaifa za kushtusha,watu wanatarajia ukweli. Kama ujuavyo baadhi ya nyakati ukweli unauma lakini Biblia inasema ukweli utatukomboa " Alisema Bw Odinga .

Image caption Raila Odinga

"hebu tuwache kufichaficha dhulma hizi ambazo zimechangia kuwepo kwa chuki miongoni mwetu"alisema

"tunataka mambo haya yagfichuliwe ili jamii yetu iweze kuridhiana na kusonga mbele kama taifa moja lilioungana."

Akiongea kuhusu kushindwa kwake katika uchaguzi , Mr Odinga alisema imempasa akabiliane na hali yha kuvunjika moyo kwa kushindwa. .

"mimi mwanamichezo na najua michezo kama hii ina maokeo ya aina mbili tu. Ni kama mzigo mzigo umetuliwa sasa nahisi nimepumua"

Bwana Kenyatta anatarajiwa kuwasili Uingereza wiki ijayo kwa mwaliko wa serikali ya Uingereza kuhudhuria mkutano kuhusu mustakbala wa Somalia. .