WHO yapunguza kiwango cha sukari

Haki miliki ya picha PA
Image caption Madhara ya sukari.

Shirika la Afya duniani WHO limepunguza kwa nusu kiwango cha sukari kilichopendekezwa kwa matumizi ya binadamu ili kuepusha matatizo ya kiafya kama vile kunenepa kupita kiasi na meno kuoza.

Mswada mpya wa mwongozo wa matumizi ya kila siku ya sukari umepunguza kiwango cha sukari inayopaswa kutumiwa na binadamu hadi asilimia tano ya kalori au vijiko sita vya sukari kwa siku.

WHO imesema kuwa sukari ndio chanzo cha janga la kunenepa kupita kiasi linalowahangaisha takriban watu nusu bilioni kote duniani, tatizo ambalo bado linaongezeka hususan katika mataifa yanayoendelea.