Ban Ki-moon atoa tahadhari CAR

Haki miliki ya picha Getty
Image caption Katibu Mkuu wa Umoja wa Mataifa Ban Ki-moon

Katibu Mkuu wa Umoja wa Mataifa Ban Ki-moon amesema Jamuhuri ya Kati sharti izuiwe kuruhusiwa kugeuka kuwa Rwanda nyingine.

Katika maoni yake kwenye mtandao wa BBC, Bwana Ban amesema kwamba zaidi ya nusu ya raia wa Jamuhuri ya Afrika ya Kati wanahitaji msaada wa kibinadamu.

Akihusisha mambo yalivyo Jamuhuri ya Afrika ya Kati na kumbukumbu ya miaka 20 ya mauaji ya halaiki nchini Rwanda, amesema jamii ya kimataifa inapaswa kuchukua hatua sasa badala ya baadae kuja kuomba msamaha itakapotimia miaka ishirini ijayo.

Siku ya Alhamis Baraza la Usalama la Umoja wa Mataifa liliwapa mamlaka wanajeshi 12,000 wa Umoja wa Mataifa waliopo nchini Jamuhuri ya Afrika ya Kati.