'Usife moyo mpendwa na mimi pia ni mkimbizi'

Haki miliki ya picha BBC World Service

Vijana wakimbizi wanaoishi katika kambi kubwa zaidi ya wakimbizi duniani, nchini Kenya, Dadaab wamewatumia barua za kuwapa matumaini watoto wanaokumbwa na vita nchini Syria, ambao wamelazimika kutoroka vita na kukimbilia nchi jirani.

Wakimbizi hao wanaishi Dadaab Kaskazini mwa Kenya. Ni makao kwa wakimbizi 400,000 wengi wao waliotoroka vita, njaa na ukame nchini Somalia.

Vita hivyo vimekuwa vikiendelea kwa miaka 23 sasa.

Shirika la misaada la kimataifa la Care International, ambalo hutoa misaada kwa wakimbizi hao, liliandaa mpango wa kuandikiana barua kati ya watoto hao na wale wa Syria wanaoishi katika kambi ya wakimbizi ya Amman nchini Jordan.

Barua zao ni za ujumbe wa matumaini , kuwapa moyo na ushauri wenzao wanaoishi katika mazingira sawa na wao. Wanawaita dada na ndugu zao.

Wengi wanawaasa kuhusu muhimu wa kusoma na kupata elimu wakiwa kambini.

''Mimi ni mkimbizi tu kama wewe''

Haki miliki ya picha BBC World Service
Image caption Hibo Mahamed Dubow

''Nina uhakika kuwa ukisoma na kujitahidi maishani , utafanikiwa,'' ndio ujumbe wake Hibo Mahamed Dubow. "Cha mwisho ninakushauri kuwa usipoteze matumaini kwa sababu umekuwa mkimbizi kwa miaka mitatu pekee. Nini maoni yako kuhusu watu ambao wamekuwa wakimbizi kwa miaka 20?''

Haki miliki ya picha BBC World Service
Image caption Ujumbe wake Hibo

''Kuweni mashujaa na marais wa sasa''

Haki miliki ya picha BBC World Service
Image caption Dahir Mohamed aliandika barua ya matumaini

"Wapendwa dada zetu na kaka zetu, someni kwa bidii shuleni na muwe marais wapya wa Syria,'' alisema Dahir Mohamed.

Haki miliki ya picha BBC World Service
Image caption Ujumbe wake Dahir Mohammed

''Tunahisi kama nyinyi tu''

Haki miliki ya picha BBC World Service
Image caption Abshir Hussein aliandika ujumbe wa matumaini kwa wakimbizi wenzake

"Tunawaombea Mungu awape maisha mema na kwa msaada wake mtaweza kupata amani katika nchi yenu kwa sababu tunahisi tu kama nyinyi,'' ndivyo aliandika Abshir Hussein.

Watoto wa Syria nao pia walijibu.

Watoto wa Syria walipokea barua zao na picha. Picha hii ni ya Zakariye Mohamed akipokea barua yake pamoja na picha

Haki miliki ya picha BBC World Service

Barua hizo zilipokewa vyema kwa mujibu wa shirika la Care International, na sasa wanaandika majibu yao kuwatumia watoto wa kambi ya Dadaab.

Haki miliki ya picha BBC World Service