Saudi Arabia yafunga ubalozi Libya

Image caption Uharibifu ulioshuhudiwa mjini Tripoli wikendi hii

Ubalozi wa Saudi Arabia umefunga ofisi zake mjini Tripoli kutokana na otovu wa usalama nchini Libya.

Balozi Mohammed Mahmoud al-Ali amesema kuwa wafanyakazi wote wa ofisi yake wameondoka nchini humo kutokana na hali mbaya ya usalama

Serikali hata hivyo inasisitiza kwamba bado imedhibiti hali ya usalama licha ya makabiliano makali yaliyotokea wikendi hii ikiwemo majengo ya bunge kuvamiwa na wapiganaji.

Viongozi wa Libya wamekumwba na wakatai mgumu kujaribu kurejesha utulivu nchini humo tangu Muammar Gaddafi kuondolewa mamlakani mwaka 2011 na kuuawa .

Wakati huohuo, mkuu wa jeshi la Libya, ameamuru kupelekwa kwa wapiganaji watiifu kwa serikali mjini Tripoli siku moja baada ya watu waliokuwa wamejihami kujaribu kuvamia bunge la taifa.

Mapigano zaidi yameripotiwa kutokea kati ya wapignaji kutoka makundi hasimu huku wasiwasi ukiongezeka kuhusu makabiliano zaidi kuzuka.

Wanajeshi katika kambi moja ya jeshi katika mji wa Tobruk, wameripotiwa kujiunga na kikosi cha wanajeshi waasi kinachoongozwa na jenerali muasi ambaye serikali inasema amekuwa akijaribu kupindua serikali.

Khalifa Hiftar aliongoza kusema kuwa mashambulizi dhidi ya wapiganaji waisilamu mjini Bengazhi yalifanyika siku ya Ijumaa. Watu sabini waliripotiwa kufariki.