Waasi nchini Mali wasitisha vita

Haki miliki ya picha AP
Image caption Mpiganaji wa kundi la waasi wa Tuareg nchini Mali

Waasi nchini Mali wamekubali kusitisha vita siku mbili baada ya kuvishinda vikosi vya serikali katika mji wa kazkazini wa kidal.

Wanadiplomasia wamesema kuwa waasi hao wa kundi la Tuareg wanaotaka kujitenga waliahidi kusitisha vita baada ya kufanya mazungumzo na mwenyekiti wa umoja wa bara afrika Mohammed Abdel Azizi mjini Kidal.

Takriban wanajeshi 20 wa Mali waliuawa baada ya jaribio la kutaka kuuteka mji huo kutoka kwa waasi hao kufeli siku ya jumatano.

Waasi hao wameiambia BBC kwamba wanadhibiti eneo lote la kazkazini mashariki mwa Mali na sasa wanaelekea katika mji wa Gao.

Serikali imewashtumu waasi hao kwa kuungwa mkono na wapiganaji wa kundi la Al Qaeda.