UN:Itachukua mda mrefu kuangamiza Ebola

Image caption Kiongozi wa ujumbe wa ebola katika shirika la Umoja wa Mataifa Tony Banbury

Kiongozi wa ujumbe wa ebola katika shirika la Umoja wa Mataifa amesema kuwa harakati za kukabiliana na ugonjwa huo zinazochukuliwa hazijafikia kiwango cha kuuangamiza katika eneo la Afrika Magharibi.

Katika mkutano na vyombo vya habari nchini Ghana,Tony Banburry amesema kuwa jamii ya kimataifa imekuwa ikikabiliana na ugonjwa huo na huenda ikachakua mda mrefu kabla ya kudhibitiwa.

Hatahivyo amesema kuwa anaamini jamii ya kimataifa itafaulu katika kuuangamiza mlipuko huo mwaka 2015.

Virusi vya ugonjwa huo vimewaua takriban watu 8000 hususan nchini Sierra Leone ,liberia na Guinea.