Mjamzito 'azalishwa' bila ya kutaka

Haki miliki ya picha AP. Daily Times Call Matthew Jonas
Image caption Maafisa wa polisi wa Colorado ambapo mwanamke mjamzito alidungwa kisu na mwanawe kuchukuliwa kutoka tumboni

Maafisa wa polisi katika jimbo la Colorado wanasema kuwa mwanamke mmoja alimdunga kisu mwanamke mjamzito katika tumbo lake na kumchukua mwanawe ambaye alikuwa hajazaliwa.

Mwathiriwa ambaye alikuwa mja mzito wa miezi saba anatarajiwa kupona kufuatia upasuaji lakini mtoto aliaga dunia.

Mwanamke huyo mjamzito alikuwa akimtembelea mshukiwa ili amnunulie mwanawe nguo ambazo zilikuwa zimetangazwa katika katika soko la mtandao la Craigslist.

Mshukiwa Dynel Catrece Lane alimpoteza mwanawe wa miezi 19 muongo mmoja uliopita alipokufa maji katika kidimbwi cha samaki.

Haki miliki ya picha The Press Association
Image caption Mjamzito

Mwathiriwa mwenye umri wa miaka 26 alikua akitaka kununua nguo hizo wakati aliposhambuliwa siku ya jumatano.

Wakati alipoingia katika nyumba hiyo alishambuliwa na kupigwa kabla ya mwanawe kutolewa kutoka tumboni'',Afisa mmoja wa Polisi Jeff Satur alisema.

Mwathiriwa alifanikiwa kupiga simu ya dharura lakini alipatikana katika hali mbaya wakati maafisa walipowasili.