Tetemeko lawaua watu 40 Nepal

Image caption Tetemeko Nepal

Wakuu nchini Nepal sasa wamethibitisha kuwa idadi ya watu waliokufa kutokana na tetemeko jingine jipya lililotokea nchini humo, imepanda na kufikia zaidi ya watu 40.

Mamia ya watu walikimbilia usalama wao katika barabara za mji mkuu Kathmandu.

Mji wa Namche Bazaar, karibu na mlima Everest umeshuhudia maafa makubwa.

Tetemeko hilo kubwa lililosikika hadi nchini India, lilisababisha vifo vya watu watatu huko.

Haki miliki ya picha EPA
Image caption Tetemeko Nepal

Tetemeko hilo la Jumanne linajiri majuma mawili baada ya zaidi ya watu elfu nane kufariki katika tetemeko jiingine baya kukumba Nepal.

Tetemeko la awali lililotokea tarehe 25 Aprili , lilisajili vipimo vya 7.8.

Madhara ya tetemeko hili hayajabainika ila inasemekana kuwa lilitikisa mji mkuu wa India New Delhi, vilevile mji mkuu wa Bangladesh Dhaka.

Image caption Tetemeko Nepal

Majumba yaliyosazwa na tetemeko la awali katika mji mkuu wa Nepala Kathmandu, yalitikiswa mno na tetemeko hili la hivi punde.