Norwich City,yarejea ligi kuu England

Haki miliki ya picha BBC World Service
Image caption Cameron Jerome wa Norwhich City

Klabu ya soka ya England Norwich City imefanikiwa kurejea katika ligi kuu ya nchi hiyo baada ya kuibanjua Middlesbrough kwa jumla ya bao 2-0.

Bao la Cameron Jerome na Nathan Redmond,yalitosha kabisa kuipa ubingwa Norwhich na kunyakua kiasi cha paundi million 120 kwa ushindi huo na kutinga ligi kuu almaarufu EPL.

Katika mtanange huo uliopigwa katika dimba la Wembley, takribani mashabiki elfu thamanini na tano walikuwepo uwanjani wakishuhudia vijana hao wa mji wa Norwich wakirejea tena ligi kuu na kuungana na wenzao Bournemouth na Watford ambazo tayari walishakata tiketi.