MOJA KWA MOJA: KUHESABIWA KWA KURA TANZANIA

Bonyeza hapa kwa habari za karibu zaidi kuhusu matokeo ya kura

Image caption viongozi wa CCM wakihutubia vyombo vya habari

18.39pm:Chama Cha Mapinduzi nchini Tanzania CCM kimeshtumu hatua ya chama cha upinzani cha CUF kutangaza matokeo na kudai ushindi ikisema ni ya kushangaza.

Imesema kuwa matangazo hayo ni kinyume na sheria kwa kuwa bodi pekee inayofaa kutangaza matokeo ni ile ya tume ya uchaguzi.

CCM imeshangaa kwa nini tume hiyo kufikia sasa haijachukua hatua zozote.

Image caption jaji Darmian Lubuva

17.23pm:Mkuu wa tume ya uchaguzi jaji Damian Lubuva ameonya kwamba ni matokeo ya tume ya uchaguzi nchini Tanzania NEC pekee ambayo yatakuwa rasmi na hakuna aliye na uwezo wa kuyatangaza matokeo yake hata iwapo wameshinda.

17.16pm:Muungano wa upinzani nchini Tanzania UKAWA umedai kwamba vijana wake 200 ambao waliokuwa wakikagua matokeo yanayotolewa kutoka kwa maajenti wake katika vituo vya kupiga kura kote nchini walikamatwa usiku uliopita na sasa wako kizuizini.

Naibu mwenyekiti wa muungano huo Profesa Abdalla Safari amesema kuwa vijana hao walikamatwa wakati maafisa wa polisi walipovamia vituo vya uchaguzi vya upinzani na kuchukua data muhimu na kompyuta.

Muungano huo umedai kwamba hatua hiyo ya maafisa wa polisi itawalazimu kupinga matokeo yoyote yatakayotolewa na tume ya uchaguzi NEC, ukisema kuwa umewachwa bila ushahidi wa kuonyesha kwamba kuna udanganyifu katika matokeo ya uchaguzi.

Umesema kuwa hautakubali matokeo hayo huku profesa Simba akisema kuwa uwezo wa raia utaamua mwelekeo wa taifa iwapo matokeo hayo hayatawapendelea.

Image caption Ukumbi wa Julius Nyerere mjini Dar es Salaam

15.38pm:Waandishi wa habari wajiandaa tayari kwa matokeo ya uchaguzi mkuu katika ukumbi wa mikutano wa Julius Nyerere mjini Dar es Salaam.

Image caption Maelekezo kwa lugha mbili.kichina na kiingereza katika jumba la mikutano la Julius Neyerere jijini Dar es Salaam

14.25pm:Maelekezo katika jumba la mikutano la Julius Nyerere mjini Dar es Salaam yameandikwa kwa lugha mbili,kichina na kizungu.toa maoni yako

Image caption Njia iliofungwa kisiwani Zanzibar

13.29pm:Baadhi ya barabara katika kisiwa cha Zanzibar zimefungwa na maafisa wa polisi ili kukabiliana na matukio yoyote ya ghasia kisiwa ni humo.

Image caption Ukumbi wa matokeo ya uchaguzi kisiwani Zanzibar

13.19pm:Raia wamekongamana katika ukumbi wa matokeo kisiwani Zanzibar wakisubiri kutangazwa kwa washindi na tume ya uchaguzi kisiwani humo ZEC.

13.16pm:Upigaji kura unaendelea katika vituo vyengine 42 kati ya zaidi ya vituo 60,000 baada ya kushindwa kupiga kura siku ya jumapili kutokana na matatizo tofauti.

Image caption Maafisa wa polisi

13.12pm:Maafisa wa polisi wamepiga kambi nje na maeneo ya ukumbi wa mikutano wa Julius Neyerere ambapo matokeo ya kura yameanza kutangazwa.

Image caption Moody Awori kiongozi wa ujumbe wa waangalizi Afrika mashariki

12.54pm:Moody Awori ambaye ndio kiongozi wa ujumbe wa waangalizi kutoka Afrika Mashariki amewasili katika kituo cha kutangaza matokeo ya kura kilichopo katika jengo la Julius Nyerere jijini Daresalaam.

10.56am:Kuna hali ya wasiwasi mjini Mwanza huku maafisa wa polisi wakikabiliana na vijana wanaodaiwa kutoka katika chama cha UKAWA. Kuna visa ambapo vikosi vya usalama vilirusha gesi za kutoa machozi ili kuwatawanya waandamanaji.

Image caption Mwanza

10.24am: Hali ya kawaida imeanza kurudi mjini Mwanza huku biashara zikifunguliwa. Maduka yalikuwa mahame huku kile kilichojulikana kama mji uliokuwa na harakati nyingi ukibadilika na kuwa mahame.

Image caption Julius Nyerere

10.19am:Tume ya uchaguzi imeanza kutangaza rasmi matokeo ya urais katika jumba la mikutano la Julius Nyerere mjini Dar es Salaam

Image caption Maafisa wa usalama huko Mwanza

10.15am: Ulinzi mkali umewekwa kote nchini Tanzania huku tume ya uchaguzi ya taifa hilo ikianza kutoa matokeo ya uchaguzi.

Image caption Vijana wailalamikia tume ya uchaguzi

9.35am:Hawa ni baadhi ya vijana walioajiriwa na tume ya uchaguzi kufanya kazi kadhaa wakati wa uchaguzi katika eneo la Mwanza .Wameishtumu tume ya uchaguzi kwa kuwanyima marupurupu yao.

Huwezi kusikiliza tena

Image caption KImara raia wanapiga kura

9.28am: Wazee na walemavu ndio watu walioathirika zaidi na tataizo hilo kwa kuwa iliwabidi wangojee tena.Hatahivyo wamewasili katika kituo hicho.

Image caption Kimara

8.45am: Hatimaye wakaazi wa eneo la Kimara Stop Over mjini Dar es Salaam wameanza kupiga kura baada ya shughuli hiyo kukwama siku ya jumapili wakati maafisa wanaosimamia shughuli hiyo kutofautiana na wale wa tume ya uchaguzi na hivyobasi kuchoma vifaa vya kupigia kura.

Image caption Julius Nyerere

7:20am: Usalama umeimarishwa katika kituo kikuu cha kujumlisha matokeo katika ukumbi wa Julius Nyerere. Tume inatarajiwa kutoa matokeo ya kwanza saa tatu.

Image caption Masanduku ya kupigia kura

7:15 am: Mjini Mwanza, kaskazini magharibi mwa Tanzania, masanduku ya kura yanaendelea kukusanywa katika afisi kuu kabla ya kuanza kwa shughuli ya kuhesabu kura.

Image caption Uchaguzi Tanzania

7.00 am: Maafisa wanaanza kuingia mmoja mmoja kituo cha kupigia kura Kimara Stop Over, Dar es Salaam ambako wapiga kura wanatarajiwa kupiga kura zao za urais na ubunge baada ya uchaguzi kutatizika siku ya jumapili. Wapiga kura walifikia kituoni tena mapema sana leo.

Image caption Raia wa Mwanza

6.00 am: Kituo cha Kimara Stop Over jijini Dar es Salaam ambako uchaguzi unafaa kufanyika leo baada ya kutatizika jana, maafisa wa kusimamia uchaguzi bado hawajafika kituoni.

Tume ya Taifa ya Uchaguzi Tanzania imesema itaanza kutoa matokeo rasmi ya uchaguzi wa urais leo saa tatu katika jumba la mikutano la Julius Nyerere, Dar es Salaam. Hata hivyo kuna maeneo ambayo uchaguzi haukufanyika Jumapili.

ASUBUHI NJEMA RAIA WA TANZANIA

Bonyeza hapa kwa habari kuhusu uchaguzi mkuu ulivyokuwa