Tesla yapata oda 276,000 za magari ya umeme

Tesla Haki miliki ya picha AP
Image caption Magari hayo yatakuwa tayari mwishoni mwa 2017

Mwanzilishi wa kampuni ya Tesla Bw Elon Musk amesema kampuni hiyo imepokea oda 276,000 za magari yake mapya Model 3 ambayo yanatumia umeme badala ya mafuta.

Kampuni hiyo yenye makao yake California ilizindua gari hilo lenye uwezo wa kubeba watu watano, ambalo ndilo la bei ya chini zaidi miongoni mwa magari ya kampuni hiyo, Alhamisi.

Bw Musk, ambaye ndiye afisa mkuu mtendaji wa kampuni hiyo, alisema walipata oda hizo kufikia mwisho wa Jumamosi.

Magari ya kwanza yatawasilishwa kwa wanunuzi mwishoni mwa 2017.

Si wote waliowasilisha oda wanaotarajiwa mwishowe kununua magari hayo.

Wanunuzi wanatakiwa kuweka rubuni ya $1,000 ili kuhifadhiwa magari yao.

Wengi wa waliowasilisha oda wanatoka Uingereza, Jamhuri ya Ireland, Brazil, India, China na New Zealand.