Got a TV Licence?

You need one to watch live TV on any channel or device, and BBC programmes on iPlayer. It’s the law.

Find out more
I don’t have a TV Licence.

Muhtasari

  1. Mwenyekiti wa tume ya uchaguzi Kenya Wafula Chebukati amesema wanakadiria kwamba idadi ya waliojitokeza kupiga kura leo asilimia 48.
  2. Tume ya uchaguzi imeahirisha uchaguzi katika kaunti za Kisumu, Siaya, Migori na Homa Bay.
  3. Vituo vya kura katika baadhi ya maeneo tayari vimefungwa.
  4. Kinyume na uchaguzi wa mwezi Agosti, katika vituo vya kupigia kura hakukuwa na foleni ndefu.
  5. Kiongozi wa upinzani Raila Odinga amesusia uchaguzi huo na kuwataka wafuasi wake wasalie manyumbani
  6. Uchaguzi huu unatokana na hatua ya Mahakama ya Juu kufuta uchaguzi uliofanyika tarehe 8 Agosti

Habari za moja kwa moja

time_stated_uk

Wapiga kura walioshiriki uchaguzi walikuwa wangapi?

Mwenyekiti wa tume ya uchaguzi Wafula Chebukati anaonekana kutoa taarifa za kukinzana kuhusu idadi ya watu waliojitokeza kupiga kura.

Awali, alikuwa ametangaza kuwa wanakadiria asilimia 48 ya watu waliojiandikisha kupiga kura walijitokeza.

Lakini kwenye Twitter sasa ameonekana kukiri kwamba makadirio hayo yalikuwa ya juu mno.

Anasema idadi halisi ya wapiga kura waliojitokeza, ambayo wamebainisha kwa sasa, ni wapiga kura 6,553,858.

View more on twitter
View more on twitter

Tamko la Bw Chebukati sasa linaonesha waliojitokeza kati ya jumla ya 19,611,423 waliojiandikisha kupuiga kura ni asilimia 33.4.

Katika uchaguzi wa tarehe 8 Agosti, waliojitokeza walikuwa 15,073,662 ambao ni sawa na asilimia 78.91.

Habari za hivi pundeChebukati: Waliojitokeza kupiga kura ni 48%

Mwenyekiti wa tume ya uchaguzi Kenya Wafula Chebukati amesema wanakadiria kwamba idadi ya waliojitokeza kupiga kura leo kufikia wakati wa kufungwa kwa vituo saa kumi na moja jioni ni asilimia 48.

Akihutubia wanahabari, mwenyekiti huyo amesema vituo 87 kati ya vituo vyote vya kupigia kura vilifunguliwa, ambavyo ni vituo 35,564.

Kati ya vituo hivyo, fomu za matokeo kutoka kwa fomu za matokeo kutoka kwa fomu 27,124 zimepokelewa.

"Vituo 5,389 ambavyo vimetapakaa kote nchini havikufunguliwa. Baadhi vimo katika kaunti nne ambazo nilitangaza awali kwamba uchaguzi umeahirishwa," amesema.

Bw Chebukati amesema vituo kamili vilivyoathiriwa vitatangwa kesho katika gazeti rasmi la serikali.

Baadhi ya watu wameshutumu tarehe mpya ya uchaguzi iliyotangazwa na Bw Chebukati wakisema Jumamosi ni siku ya ibada kwa waumini wa kanisa la Kiadventisti ambao ni wengi katika kaunti ambazo uchaguzi umeahirishwa.

Bw Chebukati hata hivyo amesema walizingatia mambo mengi kabla ya kutangaza tarehe mpya.

"Matokeo ya uchaguzi ni lazima yatangazwe katika siku saba. Lazima tujinyime baadhi ya mambo. Wasiotaka kupiga kura hawatalazimishwa," amesema.

Matokeo yaanza kuingia kutoka vituoni

Tume ya Uchaguzi imekuwa ikipakia fomu za matokeo kutoka kwenye vituo vya kupigia kura mtandaoni.

Kinyume na awali, fomu zinawekwa zilivyo mtandaoni.

Kufikia sasa, fomu za matokeo kutoka vituo 16,282 kati ya 40,883 zimepakiwa.

Hapa chini ni moja ya fomu za matokeo zilizopakiwa.

Ni fomu kutoka kituo cha kupigia kura cha Deliverance katika mtaa wa Kawangware, Nairobi.

Matokeo
IEBC

IEBC imekuwa ikifafanua mfumo unaotumiwa wakati huu kutangaza matokeo:

View more on twitter

Tayari kupokea matokeo Eldoret

Maafisa wa tume ya uchaguzi katika Taasisi ya Teknolojia ya Bonge la Ufa mjini Eldoret wako tayari kuanza kupokea matokeo kutoka eneo bunge la Ainabkoi.

Eneo bunge hilo lina vituo 113.

Maafisa
BBC
BBC
BBC
Meza ya maajenti wa vyama
Maafisa
BBC

Vituo vyaanza kumaliza kuhesabu kura

Mwandishi wetu Robert Kiptoo ambaye yupo katika kituo cha kujumlishia matokeo ya Afraha mjini Nakuru katika Bonde la Ufa anasema baadhi ya vituo vya kupigia kura katika Jimbo la Nakuru vimemaliza kuhesabu kura.

Matokeo yanatarajiwa kuanza kutangazwa vituoni lakini tume ina hadi siku saba kutangaza matokeo kamili ya uchaguzi huo.

Hali katika shule ya upili ya Afraha
BBC
Hali katika shule ya upili ya Afraha
Afraha
BBC

Chiloba: Sijaingilia uchaguzi wa leo

Afisa mkuu mtendaji wa Tume ya Uchaguzi IEBC Ezra Chiloba amekuwa likizoni. Alikwenda likizo ya wiki tatu baada ya shinikizo kutoka kwa muungano wa upinzani Nasa kumtaka ajiuzulu kuzidi.

Lakini anaonekana kukerwa na tamko la mmoja wa wabunge wa Nasa Junet Mohamed kwamba bado amekuwa wakiingilia uchaguzi wa leo. Amekanusha tuhuma hizo:

View more on twitter

Gavana wa Kisumu asema uchaguzi hautarudiwa

Anyang' Nyong'o
AFP/Getty

Gavana wa kaunti ya Kisumu, magharibi mwa Kenya, amesema uchaguzi hautarudiwa katika jimbo hilo kama alivyotangaza mwenyekiti wa tume ya uchaguzi IEBC Wafula Chebukati Jumamosi.

Prof Anyang'a Nyong'o amesema kaunti hiyo itafanya maombolezi ya wiki moja kwa heshima ya watu wawili waliouawa leo.

"Nimetangaza kama gavana wa hii kaunti wiki moja ya maombolezi ambapo wakati huo hakutakuwa na sherehe. Kwetu uchaguzi huwa ni sherehe," amesema.

Amesema iwapo tume hiyo itaendelea kusisitiza uchaguzi ufanyike, basi wataenda kortini kutaka uzuiwe.

Picha za ghasia kwenye mtaa wa Kibera, Nairobi

Picha zimekuwa zikichapishwa zinazoonyesha makabiliano kati ya polisi na waandamanaji kwenye ngome ya upinzani ya Kibera, katika mji mkuu wa Kenya Nairobi:

Kibera
Reuters
Kibera
EPA
Kibera
EPA
Kibera
EPA
Kibera
EPA
Kibera
EPA

Uchaguzi waahirishwa magharibi mwa Kenya

Wafula Chebukati
Reuters

Tume ya uchaguzi nchini Kenya IEBC imehairisha marudio ya uchaguzi wa urais katika kaunti za Kisumu, Siaya, Migori na Homa Bay kutokana na kile ilichokitaja kuwa hali mbaya ya usalama.

Mwenyekiti wa IEBC Wafula Chebukati, ametangaza kuwa marudio hayo ya uchaguzi sasa yataandaliwa tarehe 28 mwezi huu.

Kaunti hizo ni ngome za upinzani na nyumbani kwa kinara wa upinzani Raila Odinga.

Majimbo manne
BBC

Ni kura moja tu kwenye sanduku la kupigia kura Kibera, Nairobi

Mkuu wa gazeti la The New York Times kanda ya Afrika ya mashariki, amechapisha picha hii ya sanduku la kupigia kuta lililo na kura moja tu katika kituo cha kupigia kura, mtaa wa Kibera saa 9 tangu vituo vya kupigia vifunguliwe.

Kibera ni eneo maskini lililo mji mkuu wa Nairobi ambalo ni ngome ya upinzani.

View more on twitter

Mtu mmoja auawa mjini Kisumu, ngome ya upinzani

Takriban mtu mmoja ameuawa na wengine watano wamejeruhiwa na polisi kwenye ngome ya upinzani huko Kisumu magharibi mwa Kenya.

Polisi wametumia vitoa machozi na risasi kutawanya waandamanaji ambao wanasusia marudio ya uchaguzi wa urais.

George Odhiambo wa umri wa miaka 19, alipelekwa hospitali kuu ya mji wa Kisumu akitokwa damu nyingi.

Alifariki wakati madaktari walijaribu kukoa maisha yake.

Daktari mmoja katika hospitali hiyo aliiambia BBC kuwa Bw. Odhiambo alipoteza damu nyingi baada ya kupigwa risasi katika mtaa mmoja wa mabanda mjini Kisumu.

Polisi wemekuwa wakikabiliana na waandamanaji mjini Kisumu tangu mapema asubuhi.

Kenya
BBC

Jaji mkuu David Maraga apiga kura

Jaji mkuu nchini Kenya David Maraga alipiga kura yake leo kwenye shule ya msingi ya Bosose kaunti ya Nyamira.

Mwezi Agosti Jaji Maraga aliweka historia pamoja na majaji wenzake watatu kwa kufuta matokeo ya urais.

Jana Jumatano alifika mahakamani peke yake wakati alitangaza kuwa mahakama, haukuwa na uwezo wa kusikiliza kesi iliyokuwa imewasilishwa kwenye mahakana ya juu, kwa sababu hakukuwa na majaji wa kutosha kusikiliza kesi hiyo.

View more on twitter

Polisi wafyatua risasi kuwatawanya waandamanaji Kisumu

Upinzani Kisumu
BBC
Wafuasi wa upinzani wakichoma matairi mzunguko wa barabara Kondele, Kisumu

Polisi wamefyatua risasi halisi mjini Kisumu wakiendelea kukabiliana na wafuasi wa Bw Odinga ambao wamefunga baadhi ya barabara, mwandishi wa BBC Emmanuel Igunza aliye katika mji huo wa magharibi mwa Kenya anasema.

Watu wawili wamejeruhiwa - wote wawili wakiwa na majeraha ya risasi kwenye mapaja.

Waliojeruhiwa ni mvulana wa miaka 15 na mwanamume wa miaka 21.

Wawili hao wanapokea matibabu hospitalini.

Mwandishi wetu anasema mabomu ya kutoa machozi pamoja na maji ya kuwasha yametumiwa kuwatawanya watu waliokuwa wamekusanyika katika uwanja mkuu wa mji huo ambao ni ngome ya Bw Odinga.

Wakenya wachache wajitokeza Dar es Salaam na Arusha

Upigaji kura katika uchaguzi wa urais wa marudio Kenya unafanyika katika katika balozi na afisi za kibalozi za nchi hiyo mataifa ya Afrika Mashariki na Afrika Kusini.

Nchini Tanzania, ni wachache waliojitokeza kupiga kura asubuhi ubalozi wa Kenya Dar es Salaam na mjini Arusha.

Faith Wambui Njogu, mmoja wa waliofika kupiga kura ameambia BBC ana furaha kwamba ametekeleza wajibu wake.

"Nawaambia tu (Wakenya) wapige kura kuwe na amani, cha muhimu amani. Tupendane sote," amesema.

Jijini Dar es Salaam, hali imekuwa hivi:

Wambui Njogu amewahimiza Wakenya kudumisha amani
BBC
Wambui Njogu amepigia kura yake Dar na amewahimiza Wakenya kudumisha amani
Dar es Salaam
BBC
Dar es Salaam
BBC
Dar es Salaam
BBC

Mjini Arusha

Arusha
BBC
Arusha
BBC
Arusha
BBC

Wafuasi wa Odinga wachoma matairi Kisumu

Katika maeneo mengi Kisumu, mji ambao ni ngome ya Raila Odinga, wakazi wamefunga barabara na kuchoma matairi.

Mwandishi wa BBC Alistair Leithead anasema hajashuhudia kituo chochote ambapo upigaji kura unaendelea.

Ametutumia picha hii:

Kisumu
BBC

Habari za hivi pundeKenyatta apiga kura Kiambu

Kenyatta
BBC

Rais Uhuru Kenyatta wa chama cha Jubilee amepiga kura yake katika eneo la Mutomo, Gatundu katika kaundi ya Kiambu.

Amesema amefurahia kwamba raia wanajitokeza kupiga kura.

"Tumechoshwa na uchaguzi na sasa ni wakati wa kusonga mbele. Uchaguzi ni fursa kwa raia kuwachagua viongozi kama ilivyosema Mahakama ya Juu. Hebu tuwachague viongozi na tusonge mbele," amesema.

Wakazi wafunga barabara Bangladesh, Mombasa

Wakazi katika mtaa wa Bangladesh eneo la Jomvu mjini Mombasa wamefunga barabara za kuelekea kwenye vituo vya kupigia kura.

Wamekabiliana na polisi waliokuwa wakijaribu kuwatawanya.

Bangla
BBC
Bangla
BBC
Bangla
BBC

Heri ya siku ya kuzaliwa kwa Rais Kenyatta

Rais Kenyatta anatimiza miaka 56 hivi leo. Alizaliwa siku sawa na ya leo mwaka 1961.

Watoto hawa wamekuwa kwenye kituo cha kupigia kura cha Mutomo, ambacho ndicho Bw Kenyatta, wakiwa na fulana zenye ujumbe wa kumtakia heri siku ya kuzaliwa kwake.

Mama yao Joan Wamaitha amemwambia mwandishi wa BBC Anthony Irungu kuwa: "Walitazama video ya heri ya siku ya kuzaliwa ya rais na wakasisitiza wapate fulana hizi na wamsalimie Rais Kenyatta."

Heri ya siku ya kuzaliwa
BBC

Mavazi ya bendera Gatundu

Familia hii imefika katika kituo cha kupigia kura cha Mutomo, Gatundu katika jimbo la Kiambu na mavazi ya kipekee - mavazi ya rangi za bendera ya Kenya.

Rais Kenyatta amejiandikisha kupigia kura katika kituo hicho na anatarajiwa kupiga kura baadaye leo.

Bendera
BBC

Naibu Rais William Ruto apiga kura Eldoret

Naibu Rais William Ruto, ambaye ni mgombea mwenza wa Rais Uhuru Kenyatta, amepiga kura yake katika kituo cha shule ya msingi ya Kosachei eneo la Turbo mjini Eldoret magharibi mwa Kenya.

Ruto akipiga kura
BBC
Ruto foleni
BBC
Ruto akiwa kwenye foleni
Kituo hicho watu wamejitokeza kwa wingi
BBC
Kituo hicho watu wamejitokeza kwa wingi

Wapiga kura wavumilia mvua na baridi kali Kiambu

Wapiga kura katika kituo cha shule ya msingi ya Kimbo katika eneo la Githurai 45, Kiambu wamevumilia mvua na baridi kali kwenye foleni kusubiri fursa ya kupiga kura.

Mvua imenyesha katika maeneo mengi Kenya usiku wa kuamkia leo.

Mvua Githu
BBC
Mvua
BBC
Mvua Githu
BBC

Siku ya kuzaliwa kwa Rais Kenyatta

Leo ni siku ya marudio ya uchaguzi na pia ni siku sawa na aliyozaliwa Rais Uhuru Kenyatta mwaka 1961.

Baadhi ya idara za serikali zimechukua fursa hii kumtumia salamu za heri.

View more on twitter

Wafanyakazi wa IEBC wakosa kufika vituoni Kisumu

Katika baadhi ya maeneo Kisumu, ngome ya Raila Odinga, baadhi ya wafanyakazi wa tume ya uchaguzi waliofaa kuendesha uchaguzi wa leo hawajafika vituoni bado.

Msimamizi wa uchaguzi kituo cha shule ya sekondari ya Lions High ameambia BBC kwamba kati ya wafanyakazi 399 eneo hilo, ni watatu pekee waliojitokeza.

Masanduku ya kupigia kura pamoja na vifaa vingine vya uchaguzi vinaendelea kuandalwia.

Kituo
BBC
Vituo kuandaliwa
BBC

IEBC: Upigaji kura vituo vingi ulianza vyema, kwingine muda utaongezwa

Tume ya taifa ya uchaguzi IEBC imesema vituo vingi vilifunguliwa kwa wakati, saa kumi na mbili asubuhi.

Vituo ambavyo vilichelewa kufunguliwa, muda utaongezwa baadaye jioni.

View more on twitter

Kituo cha Olympic, Kibera chafunguliwa

Lango la kuingia kituo cha kupigia kura cha shule ya msingi ya Olympic katika mtaa wa Kibera, Nairobi lilikuwa imefungwa kwa minyororo.

Lakini maafisa wa polisi wamefanikiwa kuvunja minyororo hiyo na sasa kituo hicho kimefunguliwa.

View more on twitter

Kisumu Lions hakuna mpiga kura hata mmoja

Katika kituo cha Shule ya upili ya Lions, kufikia saa moja na robo vifaa vya kupigia kura vilikuwa vinawasilishwa kituoni wakati huo.

Hakukuwa na mpiga kura hata mmoja kituoni.

Lions
BBC
Lions
BBC

Hali ilivyo mji mkuu wa Nairobi

Mwandishi wa BBC David Wafula amekuwa katika kituo cha kupigia kura cha shule ya msingi ya Moi Avenue, katikati mwa jiji la Nairobi.

Tazama video hii kuhusu hali ilivyo:

View more on facebook

Nakuru upigaji kura unaendelea

Mwandishi wetu Robert Kiptoo yupo mjini Nakuru ambapo shughuli ya upigaji kura inaendelea ambapo sawa na kwingine, idadi ya waliojitokeza si sawa na ya waliojitokeza uchaguzi wa tarehe 8 Agosti.

Nakuru
BBC
Nakuru
BBC
Upigaji kura Nakuru
BBC

Wakazi wafunga barabara Kibera, Nairobi

Taarifa zinasema wakazi katika baadhi ya maeneo mtaa wa Kibera, Nairobi ambayo ni ngome ya kiongozi wa upinzani Raila Odinga.

Mwandishi huyu anasema barabara imefungwa karibu na kituo cha shule ya msingi ya Olympic.

View more on twitter

Mpiga kura mmoja ajitokeza Kisumu

Katika mji wa Kisumu, ambayo ni ngome ya kiongozi wa upinzani Raila Odinga aliyewahimiza wafuasi wake kususia uchaguzi, vituo vingi upigaji kura haujaanza.

Mwandishi wetu Emmanuel Igunza anasema katika vituo vingi alivyotembelea, hakuna vifaa vya kupigia kura.

Mmoja wa wasimamizi wa uchaguzi amesema hajapokea vifaa kwani baadhi ya waliopewa kazi ya kusambaza hawakuvisafirisha wakihofia usalama wao.

katika kituo kimoja, Igunza amekutana na mpiga kura mmoja aliyejitokeza kushiriki.

Eastleigh waliojitokeza ni wachache

Upigaji kura mtaa wa Eastleigh, Nairobi unaendelea ingawa waliojitokeza maeneo mengi ni wachache.

Mpiga picha wetu Issa Abdi amekuwa katika kituo cha kupigia kura cha shule ya sekondari ya Eastleigh High na hivi ndivyo hali ilivyo:

Eastleigh
BBC
Eastleigh
BBC
Eastleigh
BBC
Eastleigh
BBC

Upigaji kura waendelea Nairobi

Shughuli ya upigaji kura imeendelea katika maeneo mengi Nairobi. Katika baadhi ya vituo, kuna foleni lakini kwingine wapiga kura waliojitokeza ni wachache.

Katika kituo cha shule ya msingi ya Moi Avenue, shughuli inaendelea na maafisa wa usalama wanaonekana wakishika doria.

Kupiga kura
BBC
Kupiga kura
BBC
Kushika doria
BBC
Kupiga kura
BBC

Upigaji kura waanza Khadija, Mombasa

Awali, tulikufahamisha kwamba shughuli ya upigaji kura ilikuwa haijaanza kituo cha Khadija, Mombasa.

Maajenti wa vyama walikuwa wamechelewa kufika.

Sasa mwandishi wetu Ferdinand Omondi anasema upigaji kura umeanza, ingawa watu bado ni wachache vituoni.

Maajenti wa chama cha Jubilee bado ndio pekee wamefika. Wasimamizi wa uchaguzi wamesema wameamua kuendelea na shughuli hiyo kwani maajenti wengine huenda wasijitokeze kamwe.

Pichani hapa ni baadhi ya wapigaji kura wa kwanza.

Kupiga kura
BBC
Khadija
BBC

'Nimepiga kura yangu'

Bi Kawira Mugo akionesha wino kwenye kidole chake baada ya kupiga kura katika kituo cha MP Patel mjini Eldoret magharibi mwa Kenya.

Kawira
BBC

Foleni zaanza kujisuka Eldoret

Mjini Eldoret, ambayo ni ngome ya naibu rais William Ruto, foleni zimeanza kujisuka katika vituo vingi vya kupigia kura.

Mpiga picha wetu Peter Njoroge ametutumia picha hizi:

Foleni
BBC
Foleni 2
BBC
Upigaji kura ulianza saa mbili
BBC
Upigaji kura ulianza saa mbili

Mombasa hakuna maajenti wa vyama

Katika kituo cha kupigia kura cha shule ya msingi ya Khadija, Mombasa, maajenti wa vyama hawajafika kituoni.

Kwa kawaida, maajenti hufika mapema kabla ya upigaji kura kuanza.

Mpiga picha wetu Hassan Lali ametutumia picha hizi za hali ilivyo:

Mombasa
BBC
Mombasa
BBC
Mombasa
BBC

Makarani waendelea kujiandaa Garissa

Katika kituo cha maktaba ya taifa Garissa, upigaji kura haujaanza. Makarani na maafisa wa uchaguzi wanaendelea kuandaa vifaa vya kupigia kura.

Mwandishi wa BBC Bashkas Jugsoday ametutumia picha hizi:

Garissa
BBC
Garissa
BBC

Habari za hivi pundeVituo vya kupigia kura vyafunguliwa rasmi

Vituo vingi vya kupigia kura nchini Kenya vimefunguliwa rasmi kwa uchaguzi wa marudio ya urais.

Katika baadhi ya maeneo hata hivyo, wapiga kura bado hawajafika, mfano katika kituo cha maktaba ya taifa mjini Garissa.

Wapiga kura waanza kufika vituoni

Wapiga kura katika vituo mbalimbali wameanza kufika vituoni, ingawa si kwa wingi kama ilivyokuwa wakati wa uchaguzi wa kwanza tarehe 8 Agosti.

Mwandishi wetu Angela Ng'endo amepiga picha hii ya wapiga kura katika kituo kimoja Eldoret magharibi mwa Kenya.

Eldoret
BBC

Kenyatta awataka Wakenya kujitokeza kwa wingi

Kenyatta
Uhuru Kenyatta/Twitter

Rais Kenyatta, kwenye hotuba yake kwa taifa jana kabla ya kufanyika kwa uchaguzi leo, aliwataka kujitokeza kushiriki uchaguzi wa leo.

Alisema kila Mkenya ana haki ya kushiriki ama kutoshiriki katika uchaguzi huo na kwamba serikali yake itawapatia usalama Wakenya wote.

Hata hivyo aliwaonya wale walio na mpango wa kuvuruga uchaguzi huo kwamba serikali haitawaruhusu.