Kina dada wa Arsenal walaza Tottenham 10-0

Danielle van de Donk Haki miliki ya picha The FA
Image caption Danielle van de Donk alifungia Arsenal mabao mechi 20 msimu uliopita

Mabingwa watetezi wa Kombe la FA Uingereza upande wa wawanawake Kina dada wa Arsenal waliwalaza wapinzani wao Tottenham 10-0 na kufika robo fainali Jumapili.

Danielle van de Donk alifungia wenyeji hao mabao matatu, naye mshambuliaji wa zamani wa Sunderland Beth Mead akafunga bao pia mechi yake ya kwanza kuchezea Arsenal.

Chelsea, ambao walishindwa na Arsenal fainali mwaka jana, pia walipata ushindi mkubwa, kwa kulaza Doncaster 7-0.

Bristol City walilaza Millwall 5-0.

Liverpool, Notts County, Birmingham na Sunderland pia walishinda kwenye mechi hizo za raundi ya tano.

Droo ya robofainali itafanyika baadaye Jumatatu.

Matokeo kamili mechi za raundi ya tano

  • Manchester City 1-0 Reading (Jumamosi)
  • Arsenal 10-0 Tottenham
  • Birmingham 2-0 West Brom
  • Bristol City 5-0 Millwall
  • Chelsea 7-0 Doncaster
  • Liverpool 2-1 (AET) Everton
  • Notts County 3-2 Yeovil
  • Sunderland 3-2 Aston Villa

Mada zinazohusiana

Maelezo zaidi kuhusu taarifa hii