Alphonce Simbu arejea Tanzania

Tanzania Haki miliki ya picha Google
Image caption Mwanariadha Alphonce Simbu

Balozi maalum wa DStv na Mwanariadha pekee wa Tanzania liyeshiriki mashindano ya London Marathon Alphonce Simbu amerejea nyumbani na kutoa onyo kali kwa wale atakaokabiliana nao kwenye mashindano yajayo ya dunia yatakayofanyika mwezi Agosti jijini London.

Simbu ambaye alishika nafasi ya tano katika mashindano hayo na kujishindia kitita cha dola za marekani 10,000 aliwasili katika uwanja wa Ndege wa kimataifa wa Kilimanjaro na kulakiwa na maafisa mbalimbali akiwemo Meneja Uhusiano wa Multichoice Tanzania Johnson Mshana, na pia Meneja wa mwanariadha huyo Francis John

Haki miliki ya picha Google
Image caption Alphonce Simbu akiwa katika mkutano na waadnishi wa habari pamoja na wadhamini wake

Akizungumza katika mkutano na waandishi wa habari uliofanyika jijini Arusha muda mfupi baada ya yeye kuwasili Simbu aliwashukuru sana watanzania wote kwa moyo wao na jinsi walivyomuunga mkono na kumtakia kila la heri katika mashindano hayo. Amesema alifarijika sana na pia kupata moyo zaidi alipokuwa akipokea salamu kutoka kwa watanzania kote ndani na nje ya nchi.

Akizungumzia mashindano hayo, Simbu amesema yalikuwa na changamoto kama yalivyo mashindano mengine makubwa ya kimataifa kwani yalishirikisha vigogo ambao wengi wao wana uzoefu mkubwa katika mashindano mbalimbali na wengine pia ni washindi wa mashindano ya awali.