Tetesi za Soka Ulaya Jumatatu 21.08.2017 na Salim Kikeke

Lionel Messi alijiunga na Barca akiwa na miaka 13 Haki miliki ya picha Reuters
Image caption Lionel Messi alijiunga na Barca akiwa na miaka 13

Manchester City wapo tayari kuvunja rekodi ya dunia kwa kutoa pauni milioni 275 na kutengua kipengele cha ada ya uhamisho cha Lionel Messi wa Barcelona. (Yahoo Sport)

Maafisa wa Manchester City wamekutana na wawakilisji wa Lionel Messi, 30, kujadili uwezekano wa mshambuliaji huyo wa Barcelona kuhamia Etihad. (Daily Record)

Arsenal wamempa Alex Oxlade Chamberlain, 24, mkataba wa miaka minne na mshahara wa pauni 125,000 kwa wiki ili kuzuia Chelsea kumchukua. (Daily Star)

Nahodha wa Barcelona Andres Iniesta, 33, ambaye mkataba wake unaisha mwakani amesema hana uhakika wa kubakia na timu hiyo. (El Pais)

Barcelona wapo tayari kulipa pauni milioni 36 ili kumsajili kiungo wa Nice Jean Michael Seri, 26, wakiwa na matumaini kuwa atacheza na Philippe Coutinho msimu ujao. (Mundo Deportivo)

Haki miliki ya picha Getty Images

Chelsea na AC Milan wanafuatilia mwenendo wa Pierre Emerick-Aubameyang, baada ya mshambuliaji huyo wa Borussia Dortmund kusema anahitaji kuondoka ili aweze kukua kisoka. (Radio Montecarlo Italy)

West Ham wanakaribia kukamilisha usajili wa kiungo wa Sporting Lisbon, William Carvalho, 25. (Sky Sports)

Antalyaspor ya Uturuki imempa Samir Nasri mkataba wa miaka miwili na mshahara wa pauni 70,000 kwa wiki ili kumsajili kutoka Manchester City. (Times)

Meneja wa Crystal Palace Frank de Boer amesema bei ya beki wa Liverpool Mamadou Sakho, 27, ni kubwa mno. (Guardian)

Manchester United wanatarajia Zlatan Ibrahimovic atasaini mkataba mpya wa kubakia Old Trafford wiki hii. (ESPN FC)

Haki miliki ya picha Getty Images
Image caption Pierre-Emerick Aubameyang

Meneja wa Arsenal Arsene Wenger amesema lazima auze wachezaji kwanza kabla ya kununua wengine kwa sababu timu hiyo ina "wachezaji wengi mno". (Independent)

Mkurugenzi mkuu wa Borussia Dortmund Hans-Joachim Watzke ameituhumu Barcelona kwa kutokuwa na utaratibu mzuri katika kutaka kumsajili Ousmane Dembele. (Daily Mail)

Image caption Mahrez amekuwa na mchango mkubwa ndani ya klabu ya Leicester City

Wachezaji wa Leicester wamemwambia Riyad Mahrez, 26, anayetaka kuondoka, abakie na klabu hiyo. (Leicester Mercury)

Habari zilizothibitishwa tutakujuza mara zitakapothibitishwa. Kwa orodha kamili ya wachezaji waliokamilisha rasmi usajili bofya link hii (Kwa Kiingereza): Uhamisho wa wachezaji Ulaya

Tetesi nyingine kesho tukijaaliwa. Uwe na wiki njema.

Mada zinazohusiana

Maelezo zaidi kuhusu taarifa hii