Serena Williams aomba ushauri wa mwanawe anayeota meno

Serena Williams Haki miliki ya picha PA
Image caption Serena Williams

Bingwa wa mchezo wa tenisi duniani upande wa wanawake Serena Williams huenda anakabiliwa na changamoto kubwa baada ya kuwataka mashabiki wake katika mitandao ya kijamii kumshauri vile atakavyokabiliana na tatizo la mwanawe wa kike anayeanza kuota meno.

''Tatizo la mwana anayemea meno ni gumu kutatua'', aliwaambia.

Anasema kuwa ametumia kila njia ikiwemo taweli za baridi mbali na kumpatia mwanawe kidole chake akisema kuwa alimbeba mwanawe hadi aliposhikwa na usingizi.

Mwanawe wa kike Alexis Olympia Ohanian Jr alizaliwa mnamo tarehe mosi mwezi Septemba

Mashabiki wa Serena nao walikuwa na ushauri tofauti kwake.

Wengi walimtaka kung'ata wanaserere matunda baridi ama hata barafu.

Haki miliki ya picha Twitter
Image caption Alexis Olympia Ohanian Jr

Pia walimshauri kutumia biskuti za kukabiliana na tatizo hilo mbali na mafuta.

Wengine walimshauri kumwacha mwanawe kung'ata maeneo ya kandokando ya blanketi na mto wa kulalia ama kumpatia mtoto huyo dawa za kukabiliana na tatizo la kuota meno miongoni mwa watoto.

Kulikuwa na mapendekezo ya kutumia maziwa ya mama iwapo anaendelea kunyonya ama hata kumnyonyesha kama njia moja ya kupunguza tatizo hilo.

Haki miliki ya picha Twitter
Image caption Mashabiki wa Serena walivyomshauri kuhusu mwanawe anayeota meno

Wengine walimtaka kutumia karafuu baridi ama mafuta ya karafuu ili kupaka katika ufizi wa mtoto huyo.

Mmoja alisema kuwa bibiye alitumia mfupa wa kuku kusugua ufizi.

Mada zinazohusiana