3 Julai, 2010 - Imetolewa 21:08 GMT

Hispania yaidizi nguvu Paraguay 1-0

David Villa amefunga magoli matano Kombe la Dunia 2010.

David Villa alifunga goli lake la tano katika fainali za Kombe la Dunia 2010 kuipatia Hispania goli pekee na nafasi ya kucheza nusu fainali na kuitoa Paraguay katika mechi iliyokuwa na ukame wa muda mrefu.

Goli hilo la dakika 82 lilipatikana baada ya kugonga mwamba, kabla ya kurudi kutikisa nyavu, Villa akimalizia mpira wa Pedro aliyeingia kipindi cha pili.

Ilikuwa mechi ngumu kwa Paraguay ambao walikosa penati iliyopigwa na Oscar Cardozo na mlinda mlango Iker Casillas kuicheza.

Hiyo ilikuwa ni katika dakika ya 57 - na kabla ya muda kupita, Hispania walizawadiwa penati na mwamuzi Carlos Batres.

Katika hali iliyotegemewa, Xabi Alonso alitikisa nyavu, lakini akaambiwa apige tena mkwaju wa penati kwasababu wachezaji wa Hispania walitoka mapema kucheza, ya pili ikaokolewa.

Kuona matokeo live na msimamo wa makundi unatakiwa kuwezesha javascript.

BBC navigation

BBC © 2014 Ilani: BBC haihusiki na yaliyoandikwa na tovuti za nje ya BBC.

Ukurasa huu unaonekana vyema kwa kivinjari cha kisasa kikiwa na laha mtindo (CSS).Wakati unaweza kuona yaliyomo katika ukurasa huu kwa kivinjari ulichonacho, hautaweza kufaidi kuona kila kitu vizuri. Tafadhali zingatia uwezekano wa kuboresha progaramu ya kivinjari au kuwezesha laha mtindo (CSS) endapo unaweza kufanya hivyo.