Kuangazia matokeo ya Olimpiki

Haki miliki ya picha AP
Image caption Ryan Lochte wa Marekani

•KUOGELEA: Ryan Lochte alimuangusha Mmarekani mwenziye akiwa ni mshindi wa medali za dhahabu kwenye mashindano ya Olimpiki mara mbili Michael Phelps aliyezoa medali nane mjini Beijing mwaka 2008 na kushinda dhahabu kwenye mbio za mita 400 kwa mashindano ya kuchanganya staili tofauti.

•BAISKELI: Tumaini la Uingereza kushinda medali ya dhahabu katika mbio za baiskeli za masafa ya kilomita 250 Mark Cavendish aliondoka mikono mitupu baada ya Alexandre Vinokourov wa Kazakhstan kushinda mbio hizo.

•KUPIGA MAKASIA: Helen Glover na Heather Stanning waliweka rekodi mpya ya Olimpiki wakishinda mbio za mchujo ya washiriki wawili wawili.

•KUOGELEA: Sun Yang alijitokeza kuwa muogeleaji wa kwanza mwanaume kutoka Uchina kushinda medali ya dhahabu katika mbio za mita 400 freestyle akiweka rekodi ya mashindano haya kwenye Olimpiki.

•KUOGELEA : Ye Shiwen mwenye umri wa miaka 16 wa Uchina akavunja rekodi ya dunia kwa kuondoa sekunde moja , na kushinda mbio za mita 400 mchanganyiko wa staili.

•KUPANDA FARASI: Mary King wa Uingereza alimaliza siku ya kwanza katika nafasi ya tatu.

•KULENGA SHABAHA: Nur Suryan Mohamad wa Malaysia licha ya kuwa mja mzito alishindwa kutimiza ndoto yake ya kufuzu kwa fainali ya kulenga kutoka umbali wa mita 10 kutumia bunduki ya upepo.Ingawa hakufaulu hakufa moyo.

•KULENGA SHABAHA: China ilijinyakulia medali yake ya kwanza na pia ya kwanza kwenye mashindano haya ya London 2012 katika mashindano hayo hayo ambamo Nur alishindwa kufuzu.

•MASUMBWI: Anthony Ogogo aliamsha nyota ya Uingereza na kikosi kizima kwa ushindi dhidi ya Junior Castillo Martinez kwenye ukumbi wa ExCel.

TENNIS : Mabingwa wa mashindano ya Wimbledon Roger Federer na Serena Williams walianza vizuri mashindano ya Olimpiki kwa ushindi, ingawa Federer alikua na kibarua kuliko ilivyodhaniwa.

Raia huyo wa Uswizi alipewa mtihani mkali na Alejandro Falla wa Colombia ambaye aliwahi kumsumbuwa kwenye mashindano ya Wimbledon ya mwaka 2012.Hatimaye Federer akashinda 6-3 5-7 6-3.

Serena Williams alimshinda Jelena Jankovic wa Serbia 6-3 6-1.

Kim Clijsters wa Ubelgiji anayetazamia kustaafu mchezo huu akamshinda Roberta Vinci wa Italy 6-1 6-4.

Clijsters atapambana na Carla Suarez Navarro wa Uhspania wakati Williams atachuana na Urszula Radwanska wa Poland.