Djokovic uso kwa uso na Murray

Imebadilishwa: 9 Septemba, 2012 - Saa 19:29 GMT

Novak Djokovic

Katika mchezo wa Tennis ya Marekani yaani US Open, Bingwa mtetezi wa mashindano haya Novak Djokovic ameingia fainali ya mwaka huu kwa mara ya tatu mfululizo na kujiweka tayari kupambana na Muingereza Andy Murray, kwa kumtwanga David Ferrer wa Uhispania 2-6, 6-1, 6-4, 6-2 mda mfupi uliopita.

Katika fainali ya kesho Djokovic atalenga ushindi wake wa sita wa mashindano makubwa il hali Murray ambaye ameshindwa na raia huyo wa Sebia mara 8 atajitosa uwanjani akitaka kuwa Muingereza wa kwanza kushinda mashindano ya kima hicho.

Kwa upande wa akina dada Fainali itachezwa saa chache zijazo kutokana na hali ya hewa iliyovuruga ratiba ya mashindano. Mmarekani Serena Williams atakabiliana na Victoria Azarenka.

Serena Williams ambaye ni bingwa mara kumi na nne wa mashindano hayo alifuzu kwa fainali hizo baada ya kumshinda Sara Errani kutoka Italia kwa seti mbili za 6-1, 6-2.

Viktoria Azarenka

Naye Victoria Azarenka, alijikatia tikiti ya fainali hizo kwa kumshinda bingwa wa mashindano hayo mwaka wa 2006 Maria Sharapova, kwa sti mbili kwa moja za 3-6, 6-2, 6-4.
Fainali ya mashindano hayo kwa upande wa wanaume itachezwa hapo kesho.

Katika mashindano ya wachezaji wawili wawili Sara Errani akishirikiana na Roberta Vinci kuunda timu ya Italia waliendelea na msimu mzuri kwa ushindi wa mashindano ya ngazi ya 'grand slam' ya Marekani ama US Open.

Errani na Vinci waliwashinda Andrea Hlavackova na Lucie Hradecka kutoka Czech 6-4 6-2 katika mashindano ya wanawake kuongezea ushindi wao wa mashindano ya Ufaransa mapema msimu huu. Pia walishiriki na kufika fainali ya Australia

BBC © 2014 Ilani: BBC haihusiki na yaliyoandikwa na tovuti za nje ya BBC.

Ukurasa huu unaonekana vyema kwa kivinjari cha kisasa kikiwa na laha mtindo (CSS).Wakati unaweza kuona yaliyomo katika ukurasa huu kwa kivinjari ulichonacho, hautaweza kufaidi kuona kila kitu vizuri. Tafadhali zingatia uwezekano wa kuboresha progaramu ya kivinjari au kuwezesha laha mtindo (CSS) endapo unaweza kufanya hivyo.