Mancini amkemea Kipa Joe Hart

Imebadilishwa: 19 Septemba, 2012 - Saa 11:35 GMT

Kocha wa Man City Roberto Mancini

Mkufunzi wa klabu ya Manchester City Roberto Mancini amemuonya kipa wake Joe Hart dhidi ya kushutumu wachezaji wake, akisisitiza kuwa yeye pekee ndiye jaji.

Manchester City waliongoza mara mbili wakati wa mechi yao ya kuwania kombe la klbau bingwa barani ulaya dhidi ya Real Madrid, lakini walifungwa dakika za mwisho na mechi hiyo kumalizika huku Real Madrid ikiibuka na ushindi wa mabao 3-2.

Hart alisema haiwezekani kwa klabu yoyote ambayo inaongoza kwa mabao 2-1 huku ikiwa imesalia dakika tano za mechi na kasha ipoteze mechi hiyo. '' ni lazima sisi wenyewe tujilaumu'' aliongeza Hart.

Lakini Mancini amejibu kwa kusema, licha ya kukubalina na kipa wake, yeye anapaswa kutekeleza wajibu wake. ''mimi naweza kushutumu wachezaji wangu lakini sio Hart'' alisema Mancini.

Kabla ya mechi hiyo Manchester City ilikabiliwa na upinzani mkali kabla ya mchezaji wao wa ziada Edin Dzeko kufunga bao la kwanza kunako dakika ya 69.

Lakini Marcelo alizawazishia Real dakika saba kabla ya mechi kumalizika. Dakika mbili baadaya Aleksandar Kolarov aliifungia mabingwa hao wa England bao la la pili kupitia kwa mkwaju wa adhabu.

Karim Benzema na Cristiano Ronaldo walifunga bao moja kila mmoja dakika tatu za mwisho za mechi hiyo na kuisadia Real Madrid Kushinda kwa mabao 3-2.

Taarifa zinazohusiana

BBC © 2014 Ilani: BBC haihusiki na yaliyoandikwa na tovuti za nje ya BBC.

Ukurasa huu unaonekana vyema kwa kivinjari cha kisasa kikiwa na laha mtindo (CSS).Wakati unaweza kuona yaliyomo katika ukurasa huu kwa kivinjari ulichonacho, hautaweza kufaidi kuona kila kitu vizuri. Tafadhali zingatia uwezekano wa kuboresha progaramu ya kivinjari au kuwezesha laha mtindo (CSS) endapo unaweza kufanya hivyo.