Ubaguzi haukujitokeza dhidi ya England

Imebadilishwa: 17 Oktoba, 2012 - Saa 17:26 GMT
England v Serbia

Serbia imekanusha madai ya matukio ya ubaguzi wa rangi katika mechi dhidi ya England ya vijana chini ya umri wa miaka 21

Chama cha soka cha Serbia, kimekanusha kwamba matukio ya ubaguzi wa rangi yalijitokeza katika mechi yake dhidi ya England, ya wachezaji chini ya umri wa miaka 21, iliyofanyika Jumanne, kufuzu kwa mashindano ya Euro mwaka 2013.

Maafisa wa chama cha Serbia pia walimlaumu mchezaji wa England, Danny Rose, kwa rabsha iliyotokea baada ya mechi, na kwa kuonyesha tabia mbovu na isiyofaa michezoni.

Awali, Rose, mwenye umri wa miaka 22, alikuwa ameitaka Serbia "kupigwa marufuku", kwa kuzua matukio ya ubaguzi wa rangi uwanjani dhidi yake wakati wa mechi.

Chama cha soka cha England kimesema inafaa shirikisho la soka barani Ulaya, UEFA, kuchukua hatua kali zaidi kwa yeyote yule atakayepatikana kuwa na hatia katika kuhusishwa na matukio ya ubaguzi wa rangi.

"Yaliyofanyika kamwe hayana kisingizio, na hayakubaliki kabisa. Leo tutawasilisha malalamiko yetu rasmi kwa shirikisho la UEFA.

Connor Wickham alifunga bao katika dakika ya 90, na vijana wa England chini ya meneja Stuart Pearce kuweza kufuzu kwa mashindano ya Euro mwaka 2013, huku rabsha ikianza pande zote mbili, na zikiwahusisha wachezaji na vile vile maafisa wa timu, na wote wakirushiana vitu mbalimbali uwanjani.

Waziri wa Uingereza David Cameron ni kati ya wale walioongezea sauti yao kwa kusema UEFA inafaa kuwawekea 'vikwazo vikali' wale wanaohusishwa na ubaguzi wa rangi, naye waziri wa michezo Hugh Robertson, amemwandikia rais wa shirikisho la UEFA, Michel Platini, akisema vitendo hivyo vilikuwa vya "uchochezi mno na ubaguzi".

BBC © 2014 Ilani: BBC haihusiki na yaliyoandikwa na tovuti za nje ya BBC.

Ukurasa huu unaonekana vyema kwa kivinjari cha kisasa kikiwa na laha mtindo (CSS).Wakati unaweza kuona yaliyomo katika ukurasa huu kwa kivinjari ulichonacho, hautaweza kufaidi kuona kila kitu vizuri. Tafadhali zingatia uwezekano wa kuboresha progaramu ya kivinjari au kuwezesha laha mtindo (CSS) endapo unaweza kufanya hivyo.