CAF: Mashabiki 5,000 pekee Kinshasa

Image caption Ramani ya Jamhuri ya Kidemokrasi ya Congo (DRC).

Shirikisho la Kandanda la Afrika (CAF) limethibitisha kuwa ni mashabiki 5,000 pekee watakaoruhusiwa kuingia kwenye uwanja wa Tata Rapahel mjini Kinshasa kwa mechi ya Jumapili ya Ligi ya Mabingwa wa Afrika kati ya AS Vita na wakinzani wao kutoka Misri Zamalek.

Hii inafuatia msongamano uliofuatiwa na msukumano katika uwanja huo ambapo watu kadhaa walifariki.

Watu 15 walifariki na wengine zaidi kujeruhiwa katika mechi katika AS Vita na wapinzani wao TP Mazembe.

Kiwango cha mashabiki wanaotazamiwa kufika uwanjani kiliafikiwa katika Ligi ya Mabingwa wa Afrika kundi "A" kati ya chama cha kandanda katika DRC (FECOFA) na maafisa wa usalama.

Hatua hizo zimechukuliwa ili kuepukana na msongamano katika uwanja huo.

Mashabiri waliojisahili na walio na vyeti sahihi vya uanachama watapewa nafasi ya kwanza kuingia uwanjani.

CAF wamesema kuwa mwanachama wa kamati kuu ya FECOFA wakiongozwa na Rais wake Constant Omari, wamekagua vifaa katika uwanja huo ili kuhakikisha kuwa kutakuwepo na usalama.