Ureno yatoka sare ya 2-2 na Marekani

Haki miliki ya picha AFP
Image caption Bao la kusawazisha la Silvestre Varela

Ureno ambayo ilikuwa na matumaini ya kushinda, ilienda sare ya 2-2 na Marekani na kuepuka fedheha ya kufungashwa virago katika hatua ya makundi katika kombe la dunia linaloendelea huko Brazil.

Kwa upande wao Marekani, ilikuwa inafahamu fika kuwa matokeo baina ya 2-2 naina ya Black Stars ya Ghana na vinara wa kundi G Ujerumani ilikuwa na hatari ya kuinyima fursa ya kushiriki mkondo wa pili wa kombe la dunia kwa hivyo ilikuwa inatafuta ushindi ambao ingeipa tiketi ya moja kwa moja katika hatua ijayo.

Lakini kipenga cha kuanza kwa mechi hii kilpopulizwa, Nani ndiye aliyeiweka Ureno mbele baada ya dakika 5 ya mechi hiyo.

Haki miliki ya picha Getty
Image caption Ureno imejipata taabani baada ya kutoka sare ya 2 -2 na Marekani

Kuanzia hapo nipe nikupe baina ya mahasimu hao wa jadi ikaendelea hadi dakika ya 64 Germaine Jones alipofaidi safu tepetevu ya ulinzi na kuisawazishia Marekani.

Vijana wa Jurgen Klinsmann ndiyo walionekana na tamaa zaidi ya kushiriki mkondo wa pili wa kombe la dunia walipofaidi kona iliyotokana na makosa ya Ricardo Costa

na wakaitumia vyema.

Marekani ilifufua matumaini ya kusonga mbele Clint Dempsey alipovurumisha mkwaju ndani ya neti na kuiweka timu yake mbele , hata hivyo Christiano Ronaldo alimwandalia pasi nzuri na akaisawazishia Ureno katika muda wa ziada wa mechi hiyo.

Haki miliki ya picha Reuters
Image caption Ureno imejipata taabani baada ya kutoka sare ya 2 -2 na Marekani

Mwisho wa kuishia Ureno ilijizolea alama yake ya kwanza katika kipute hicho huko Brazil lakini wanahitaji kuilaza Ghana na kuomba kuwa Marekani wakunguwae dhidi ya ujerumani iliwao wafuzu kusonga mbele.

Marekani inahitaji ushindi mkubwa dhidi ya Ujerumani ambayo itakuwa ikitafuta sare ya aina yeyote ilikusonga mbele.

Ghana kwa upande wao sasa wanahitaji kuichapa Ureno na kuomba kuwa Ujerumani nayo itaitandika Marekani iliwafuzu kwa mkondo ujao.

Kufikia sasa ujerumai inaongoza kundi hili ikiwa na jumla ya ponti 4 sawa na Marekani.Ghana ni ya 3 na alama 1 sawa na Ureno .