Njia za Kilimanjaro Marathon Tanzania zapimwa

Image caption Wafukuza upepo kazini

Shirikisho la Riadha duniani (IAAF) na Chama Cha kimataifa cha mbio ndefu na fupi za marathon ( AIMS) wamepima na kupitisha njia zitakazotumika kwa ajili ya mbio za kimataifa za Kilimanjaro Marathon zitakazofanyika March 1 mkoani Kilimanjaro (Moshi) Kaskazini mwa Tanzania.

Mbio hizo zinashirikisha wakimbiaji mahiri kutoka nchi mbalimbali ikiwemo Kenya, moja ya nchi maarufu katika mchezo wa riadha Afrika na Dunia kwa ujumla.

Kazi ya upimaji imefanywa na Katibu wa AIMS, Hugh Jones akisaidiwa na kiongozi wa riadha kutoka Kenya ( Nairobi Marathon) Michael Hughes na Ibrahim Hussein wa IAAF pamoja na mkurugenzi wa mbio hizo, John Bayo wa Kilimanjaro Marathon Club.

Kukiwa hakuna mabadiliko makubwa ya routes zilizotumika mwaka jana, washiriki watapita Mweka Road huku wakipata fursa ya kuuona Mlima Kilimanjaro, ambao ndio mrefu kuliko yote Barani Afrika, ikiwa kama sehemu ya kukuza utalii wa ndani pia.

Haki miliki ya picha bbc
Image caption Wafukuza upepo wakichuana

Mbio zitaanza Chuo Cha Ushirika mapema saa 6.30 asubuhi, huku kukiwa na mbio za full Marathon, half marathon kwa wakimbiaji wa kawaida, half Marathon tena kwa watu wenye ulemavu na Kilometa 5 kwa ajili ya afya.