Bodi ya tenisi yapambana na rushwa

Haki miliki ya picha Reuters

Uongozi wa bodi ya mchezo wa tenesi ulimwenguni, umethibitisha kwamba mwamuzi wa mchezo huo amefungiwa kuchezesha mchezo huo na mwingine vyeti vyake vinashikiliwa na kupewa adhabu ya mwaka mmoja kutojishirikisha na mchezo huo.

Uamuzi huo umetolewa kutokana na kuhusishwa na masuala ya rushwa , lakini kama hiyo haitoshi maofisa wengine wanne wamesimamishwa kwa muda usiojulikana huku uchunguzi dhidi yao ukiendeshwa.

Mwamuzi huyo amefungiwa maisha kujishirikisha na mchezo huo, na inaelezwa kuwa mnamo mwezi February mwaka 2015 Kirill Parfenov, mwenye uraia wa Kazakhstan alipatikana na hatia ya kufanya mawasiliano na ofisa mwingine kupanga matokeo ya mchezo uliokuwa mbele yao.

Mwezi uliopita mamlaka ya mchezo wa tenisi iliamua kufanya mapitio ya harakati zake za kuzuia rushwa mchezoni kufuatia madai kwamba ushahidi wa upangaji mechi haukufuatwa .