Man Utd walaza Villa, Everton waambulia sare

Rashford Haki miliki ya picha Reuters
Image caption Rashford alifungia United bao pekee mechi hiyo

Manchester United wameweka hai matumaini yao ya kumaliza katika nne bora Ligi ya Uingereza kwa kulaza Aston Villa 1-0 uwanjani Old Trafford.

Bao la United lilifungwa na chipukizi Marcus Rashford.

Matokeo hayo hata hivyo yana maana kwamba Aston Villa wameshushwa daraja.

Villa wanashika mkia wakiwa na alama 16 baada ya kucheza mechi 34.

Newcastle United, walio hatarini ya kushushwa daraja, wamejiwekea matumaini baada ya kulaza Swansea 3-0. Newcastle wana alama 28 kwa sasa.

Matokeo ya mechi zilizochezwa Jumamosi ni kama ifuatavyo:

  • Man Utd 1-0 Aston Villa
  • West Brom 0-1 Watford
  • Newcastle 3-0 Swansea
  • Everton 1-1 Southampton
  • Norwich City 0-3 Sunderland.

18:55 Mechi zamalizika

  • Man Utd 1-0 Aston Villa
  • West Brom 0-1 Watford
  • Newcastle 3-0 Swansea
  • Everton 1-1 Southampton

18:49 Mechi inamalizika: Man Utd 1-0 Aston Villa

Hii ina maana kwamba Aston Villa wameshushwa daraja kutoka Ligi Kuu ya Uingereza.

18:46 BAOOOO! Newcastle 3-0 Swansea

Newcastle wanajihakikishia ushindi kwa bao la tatu kupitia Andros Townsend.

Haki miliki ya picha Reuters

18:44 West Brom 0-1 Watford

West Brom wanapata penalti ya pili. Lakini kipa Gomes anaokoa tena, mara ya pili.

18:43 Man Utd 1-0 Aston Villa

Rudy Gestede nusura awape Villa bao la kitulizo. Ashley Westwood naye anajaribu lakini hana bahati.

18:39 BAOOOO! Newcastle 2-0 Swansea

Mousa Sissoko anaongezea Newcastle la pili.

Haki miliki ya picha AFP

18: 35 BAOOOO! Everton 1-1 Southampton

Sadio Mane anasawazishia Southamtpon

Haki miliki ya picha rex features

18:34 Man Utd 1-0 Aston Villa

Anthony Martial anaingia nafasi ya mfungaji bao Marcus Rashford zikiwa zimesalia dakika 12 hivi mechi kumalizika.

18:27 BAOOOO! Everton 1-0 Southampton

Ramiro Funes Mori anaweza Everton kifua mbele.

Haki miliki ya picha AFP

18:22 West Brom 0-1 Watford

Wanapata penalti baada ya Berahino kuangushwa. Lakini inaokolewa.

18:22 Man Utd 1-0 Aston Villa

Nahodha Wayne Rooney, ambaye amerudi kucheza juzi baada ya kuuguza jeraha ameondolewa uwanjani. Nafasi yake anaingia Jesse Lingard.

18:22 West Brom 0-1 Watford

West Brom wanaendelea kushambulia Watford.

18:13 Man Utd 1-0 Aston Villa

Memphis Depay anachomoka na kuwachenga wapinzani eneo la hatari na kutoa krosi. Lakini hapati usaidizi.

18:11 West Brom 0-1 Watford

Kipa Heurelho Gomes anawaokoa Watford kutoka kwa mpira wa kichwa wa Gareth McAuley.

18:05 Man Utd 1-0 Aston Villa

United wanaanza kwa kasi. Juan Mata anampata chipukizi Marcus Rashford eneo la hatari. Mkwaju wake hata hivyo unakwepa lango.

18:02 Kipindi cha pili

17:47 Ni wakati wa mapumziko:

  • Everton 0-0 Southampton
  • Man Utd 1-0 Aston Villa
  • Newcastle 1-0 Swansea
  • West Brom 0-1 Watford

17:45 Man Utd 0-1 Aston Villa

Villa wanapata nafasi baada ya Jordan Ayew kumchenga Chris Smalling eneo la hatari. Lakini anasita kidogo na Morgan Schneiderlin anamzuia.

17:41 West Brom 0-1 Watford

West Brom wanajaribu kujikwamua. Saido Berhino anapiga kombora lakini linatoka nje. Stephane Sessegnon naye anajaribu lakini mpira wake unakosa goli pembamba.

17:40 BAOOOOO! Newcastle 1-0 Swansea

Kupitia kona, Jamaal Lascelles anafungia Newcastle.

17:39 Everton 0-0 Southampton

Pigo kwa Southampton. Nahodha wao Mreno Jose Fonte anaumia. Mjapani Maya Yoshida anajiandaa kuingia nafasi yake.

17:36 Newcastle 0-0 Swansea

Newcastle wanaendelea kushambulia lakini bahati yao bado haijasimama.

17:31 BAOOOOO! Man Utd 1-0 Aston Villa

Marcus Rashford anawaweka United kifua mbele baada ya kupokea pasi kutoka kwa Antonio Valencia. Sasa amefunga mabao saba katika mechi 12 alizowachezea United.

Haki miliki ya picha GETTY

17:31: Man Utd 0-0 Aston Villa

Manchester United wamepata kona tisa kufikia sasa. Lakini hawajaweza kumtatiza kipa wa Aston Villa Brad Guzan

17:27 BAAAOOOO! West Brom 0-1 Watford

Uwanjani Hawthorns, Ben Watson anatikisa wavu.

17:26 Newcastle 0-0 Swansea

Gylfi Sigurdsson anateleza akipiga frikiki. Mkwaju wake unapaa juu na kutoka nje.

17:23 Everton 0-0 Southampton

Southampton wameanza kudhibiti mpira. Wamepata naafsi mbili nzuri. Mpira wa Jordie Clasie umepaa juu ya mwamba wa goli. Kombora la Shane Long slashes pia limekosa wavu.

17:18 Man Utd 0-0 Aston Villa

Haki miliki ya picha PA

Wayne Rooney anatuma krosi lakini mpira wa kichwa wa Fellaini unatoka nje.

17:15 Everton 0-0 Southampton

Southampton wanashambulia. Mara ya kwanza kupitia Cuco Martina na pili kupitia Mkenya Victor Wanyama. Lakini hawamtatizi kipa mwenyeji Joel Robles.

17:14 Newcastle 0-0 Swansea

Newcastle wanakaribia kufunga. Vurnon Anita anatuma krosi kutoka upande wa kulia lakini kipa wa Swansea anazinduka upesi na kuondoa mpira huo eneo la hatari. Anita anarejea tena na kumwandalia Andros Townsend lakini mpira wa Townsend unatua mikononi mwa Fabianski.

17:13 West Brom 0-0 Watford

Uwanjani Hawthorns, mambo yametulia. Hakuna aliyeona lango la mwenzake.

17:10 Man Utd 0-0 Aston Villa

Leandro Bacuna anatumia kichwa kuwazuia Mata na Memphis kufunga huku United wakiendelea kushambulia.

17:06 Leicester City ambao wanaongoza kwenye jedwali watashuka dimbani kesho dhidi ya West Ham.

17:05 Manchester United wameanza kwa kudhibiti mpira. Mambo bado ni 0-0.

17:00 Wachezaji mechi ya Manchester United na Aston Villa

Man Utd Aston Villa
De Gea Guzan
A Valencia Hutton
Smalling Clark
Blind Lescott
Rojo Cissokho
Fellaini Bacuna
Schneiderlin Westwood
Mata Sinclair
Rooney Gueye
Depay Richardson
Rashford J Ayew
Benchi Benchi
Martial Richards
Young Sánchez
Romero Gil
McNair Bunn
Lingard Lyden
Darmian Gestede
Fosu-Mensah Grealish

17:00 Mechi nne zinaanza:

  • Everton v Southampton
  • Man Utd v Aston Villa
  • Newcastle v Swansea
  • West Brom v Watford
Haki miliki ya picha AP
Image caption Rashford anashirikiana na Rooney kwenye mashambulizi

16:50 Hujambo. Karibu kwa taarifa za moja kwa moja za mechi za Ligi Kuu ya Uingereza. Mechi sita zinachezwa leo. Tayari mechi ya kwanza imekamilika, Sunderland wakiwapokeza Norwich City kichapo cha 3-0. Manchester United, Manchester City na Chelsea pia watashuka dimbani.

  • Norwich 0-3 Sunderland
  • Everton v Southampton 17:00
  • Man Utd v Aston Villa 17:00
  • Newcastle v Swansea 17:00
  • West Brom v Watford 17:00
  • Chelsea v Man City 19:30