Hammam apuuza wanaompeleleza

Shirikisho linalotawala mchezo wa Kandanda Duniani FIFA linasema kuwa Mwanachama wake Mohamed Bin Hammam amekataa kuzungumza na wakuu wake waliotumwa kupeleleza madai kuwa alijaribu kuwahonga wakuu wa vyama vya mpira vya kanda ya Caribbean.

Haki miliki ya picha BBC World Service
Image caption Hammam amekataa kujadiliana na wapepelezaji

Bw.Hamam vilevile amekataa kutoa maelezo kuhusu akaunti zake za benki.

Taarifa iliyochapishwa na kundi lijulikanalo kama Freeh Group International, shirika huru la upelelezi linalomilikiwa na aliyekuwa mkuu wa FBI hapo zamani limehitimisha taarifa yake kwa kusema kuwa ''Hakuna ushahidi bayana unaomhusisha Bw.Hamam na jaribio la kutoa hongo moja kwa moja au malipo taslimu, kilichopo ni ushahidi wa dhana, kuwa raia huyo wa Qatari ndiye aliyetoa pesa hizo.

Haki miliki ya picha AP
Image caption Bin Hammam

Mkuu huyo aliye kwenye Kamati ya utendaji ya FIFA akiwa pia Rais wa Shirikisho la mpira la bara Asia alisimamishwa na FIFA kuanzia tareh 29 May mwaka huu.

Ripoti ya Freeh iliyotolewa na wakili wa Bw.Hamam kwa vyombo vya habari imesema kuwa Bw.Hamam amekataa kuzungumza na wanaoendesha upelelezi huo ingawa amesema atakua tayari kuzungumza mbele Kamati ya maadili ya FIFA.

Mashirika saba kutoka kanda ya Caribbean yamewambia wapelelezi kuwa walipewa au walikubali zawadi za hadi dola za kimarekani 40,000 wakiwa kwenye chumba kimoja cha Hoteli ya Hyatt Regency mnamo tareh 10 mwezi May baada ya hotuba ya Bw.Hammam akijieleza katika kampeni za uchaguzi wa Rais wa FIFA.

Haki miliki ya picha Reuters
Image caption Jack Warner

Jack Warner, Makamu wa Rais wa FIFA aliyetuhumiwa pamoja na Bw.Hammam na maofisa wengine wawili kutoka Kanda ya Caribbean, Debbie Minguell na Jason Sylvester.

Jack Warner hata hivyo, hatotakiwa kufika mbele ya Kamati ya maadili kutokana na kwamba FIFA ilimuondolea tuhuma zote baada ya uwamuzi wake wa kujiuzulu kutoka shughuli zote za FIFA.